Fyrir nokkrum vikum sagði hér í Stundinni frá afar mikilsverðum málum úr annálum grísk/dönsku/bresku konungsfjölskyldunnar. Og hér var komið sögunni:

Georg, sonur Kristjáns 9. Danakonungs, var valinn Grikkjakóngur 1863, aðeins 17 ára. Elsti sonur hans, Konstantín, tók við að honum látnum 1913. Hann var rekinn úr valdastóli fjórum árum síðar eftir innanlandserjur og Alexander, sonur hans, tók við. Sá varð mjög skammlífur og er hann dó 1920 brá svo við að Konstantín var aftur tekinn til konungs. Hörmuleg framganga Konstaníns í hörmulegu stríði Grikkja við Tyrki 1919–1922 olli því hins vegar að hann var öðru sinni hrakinn frá völdum snemma árs 1923. Ný þingræðisleg stjórnvöld í landinu vildu um þær mundir losna við allt konungshyskið og þar á meðal tvo yngri bræður Konstantíns, Georg og Andrés.

Georg var maður lítilla sanda, þótt hann hefði óvænt áhrif á veraldarsöguna þegar hann bjargaði lífi Nikulásar frænda síns, verðandi keisara Rússa. Georg var …