23 starfs­menn hjá Bryggj­unni brugg­húsi hafa gert launa­kröfur upp á rúm­lega 27 millj­ónir króna í þrotabú fyr­ir­tæk­is­ins. Þetta kemur fram í árs­fjórð­ungs­skýrslu kjara­mála­sviðs Eflingar.

Rekstr­ar­fé­lag Bryggj­unnar brugg­húss, BAR ehf., var úrskurðað gjald­þrota 15. apríl síð­ast­lið­inn. Bryggjan var veit­inga­staður á Grand­anum í Reykja­vík með hand­verks­brugg­hús inn­an­dyra. Alls námu kröfur í þrota­búið 115 millj­ónum króna, en engar eignir fund­ust í búinu og lauk gjald­þrota­skiptum í júlí.

Sigmar Vil­hjálms­son athafna­maður hefur nú opnað nýjan stað í hús­næð­inu sem heitir Barion.

Í skýrslu Eflingar kemur fram að upp­hæð krafna starfs­manna Bryggj­unnar brugg­húss sé sú hæsta af opnum launa­kröfum hjá stétt­ar­fé­lag­inu. Kröfur ell­efu starfs­manna City Park Hotel og Capital Hotels nema tæpum tíu millj­ónum króna og kröfur 13 starfs­manna veit­inga­stað­ar­ins Messans nema rúmum 5 millj­ónum.

Þá kemur fram í skýrsl­unni að kjara­mála­svið Eflingar hafi fengið vit­neskju um nokkra rekst­ar­að­ila sem hafi farið í gjald­þrot með van­goldin laun en hafið sams konar starf­semi á nýrri kenni­tölu. „Algengt er að þessir rekstr­ar­að­ilar ráði aftur til sín starfs­menn úr gjald­þrota fyr­ir­tækjum sínum án þess að hafa gert upp við þá eldri launa­kröfur. Oft falla launa­kröfur á Ábyrgð­ar­sjóð launa sem þýðir að langan tíma getur tekið fyrir starfs­menn að inn­heimta van­goldin laun fyrir störf sín í fyrra fyr­ir­tæki.“

Eru nefndir veit­inga­stað­ur­inn Primo í Þing­holts­stræti 1 sem hafi verið skráður hjá fyr­ir­tækja­skrá undir tveimur heitum sem í dag eru gjald­þrota og með útistand­andi launa­kröfur frá Eflingu. Annað dæmi sé þrifa­fyr­ir­tækið Topp þrif sem hafi einnig verið skráð undir tveimur öðrum nöfnum.