Efling segir aðgerðir stjórnarinnar „styðja eingöngu atvinnurekendur og efnafólk“

Katrín Jak­obs­dóttir for­sæt­is­ráð­herra boðar átta stöð­ug­leika­að­gerðir til stuðn­ings Lífs­kjara­samn­ingnum. Efling stétt­ar­fé­lag segir rík­is­stjórn­ina hafa „látið Samtök atvinnu­lífs­ins beita sig hót­unum“. Atvinnu­rek­endur eru hættir við að segja upp samn­ingnum.

Segja fé ausið í efnafólk
Segja fé ausið í efna­fólk Efling stétt­ar­fé­lag telur rík­is­stjórn­ina ekki verja hags­muni almenn­ings með boð­uðum aðgerðum til stuðn­ings Lífs­kjara­samn­ingnum. Mynd: Heiða Helgadóttir

Efling stétt­ar­fé­lag lýsir von­brigðum með aðgerða­pakka rík­is­stjórn­ar­innar sem kynntur var í dag. Þar sé ein­göngu að finna aðgerðir sem styðji við atvinnu­rek­endur og efna­fólk. Rík­is­stjórnin hafi látið undan hót­unum Samtaka atvinnu­lífs­ins og með því fórnað sjálfs­virð­ingu sinni og hags­munum almenn­ings. 

Þetta kemur fram í yfir­lýs­ingu Eflingar sem birt var á Facebook-síðu stétt­ar­fé­lags­ins. Þar er aðgerð­ar­á­ætlun rík­is­stjórn­ar­innar, „Átta nýjar stöð­ug­leika­að­gerðir“ gagn­rýnd harka­lega.

Til stóð að atkvæða­greiðsla færi fram hjá með­limum Samtaka atvinnu­lífs­ins í dag um afstöðu til Lífs­kjara­samn­ings­ins og hvort hann eigi að falla úr gildi 1. októ­ber vegna Covid-krepp­unnar. Hætt var við atkvæða­greiðsl­una í kjöl­far yfir­lýs­inga rík­is­stjórn­ar­innar.

Aðgerð­irnar rík­is­stjórn­ar­innar eru sagðar hugs­aðar til stuðn­ings Lífs­kjara­samn­ingnum. Þær fela meðal ann­ars í sér lækkun trygg­ing­ar­gjalds fyr­ir­tækja vegna starfs­fólks, fjár­stuðn­ingi við rekstr­ar­að­ila, úrbætur í skipu­lags- og bygg­inga­málum og skattaí­viln­anir til fjár­fest­inga. Meðal ann­ars verða „skoð­aðar leiðir til að hvetja til þátt­töku almenn­ings í atvinnu­líf­inu með kaupum á hluta­bréfum“.

„Þær aðgerðir sem hönd er á festandi í yfir­lýs­ing­unni styðja þó ein­göngu atvinnu­rek­endur og efna­fólk, láta undan óeðli­legum þrýst­ingi þeirra og hlunn­fara vinn­andi fólk,“ segir í yfir­lýs­ingu Eflingar.

Gagnrýnt er að ekki sé að finna neinar efndir á lof­orði stjórna­valda um févíti vegna launa­þjófn­aðar og þá veki lof­orð um skatta­af­slátt til stór­eigna­fólks sem standi í hluta­bréfa­kaupum algjöra furðu. „Sú aðgerð gengur þvert á mark­mið skatt­kerf­is­breyt­inga sem lofað var í tengslum við lífs­kjara­samn­ing­anna.“

Þá sé ekki komið til móts við til­lögur verka­lýðs­hreyf­ing­ar­innar um aðgerðir hins opin­bera í þágu almenn­ings og vinn­andi fólks á kreppu­tímum. Ekki sé minnst á hækkun grunnatvinnu­leys­is­bóta, til að mynda.

„Rík­is­stjórnin hefur látið Samtök atvinnu­lífs­ins beita sig hót­unum um upp­sögn kjara­samn­inga, hótun sem aldrei var inni­stæða fyrir. Fjöldi fyr­ir­tækja um allt land eru í ágætum rekstri og ekki á þeim buxum að hefja ófrið um allan vinnu­mark­að­inn. Í stað þess að halda sjálfs­virð­ingu sinni og verja hags­muni almenn­ings lætur rík­is­stjórnin neyða sig til að ausa enn meira fé úr sjóðum hins opin­bera til efna­fólks og stöndugra fyr­ir­tækja.“

Í til­lögum stjórn­valda, sem Katrín Jak­obs­dóttir kynnti í dag, er einnig boðað að lögð verði fram þegar boðuð frum­vörp í tengslum við Lífs­kjar­ara­samn­ing­inn. Þar á meðal er frum­varp til starfs­kjara­laga, húsa­leigu­laga, laga um breyt­ingar á gjald­þrota­skiptum, varð­andi kenni­tölu­flakk, og breyt­ingar á lögum um vexti og verð­trygg­ingu.


Átta aðgerðir ríkisstjórnarinnar

Samkvæmt kynningu frá forsætisráðherra

Katrín Jak­obs­dóttir
  1. „Allir vinna“ fram­lengt 
    Rík­is­stjórnin hefur ákveðið að full end­ur­greiðsla virð­is­auka­skatts af vinnu undir átak­inu „Allir vinna“ verði fram­lengt út árið 2021. Áætlaður kostn­aður við end­ur­greiðsl­una nemur um átta millj­örðum króna.
  2. Tíma­bundin lækkun trygg­inga­gjalds 
    Rík­is­stjórnin hefur ákveðið, í því skyni að milda áhrif af þeim launa­hækk­unum sem samið var um í Lífs­kjara­samn­ingnum og koma til fram­kvæmda um næstu ára­mót, að lækka trygg­inga­gjald tíma­bundið í eitt ár, eða til loka árs­ins 2021. Mun lækkun trygg­inga­gjalds jafn­gilda því að gjaldið verði ekki tekið af kjara­samn­ings­bundnum launa­hækk­unum sem koma til fram­kvæmda um kom­andi ára­mót. Kostn­aður við lækkun trygg­inga­gjalds­ins nemur um fjórum millj­örðum króna.
  3. Fjár­stuðn­ingur við rekstr­ar­að­ila sem orðið hafa fyrir veru­legu tekju­falli vegna far­ald­urs­ins
    Þegar hafa verið lög­fest marg­háttuð úrræði til stuðn­ings atvinnu­starf­semi. Má þar nefna hluta­starfa­leið, greiðslu launa í upp­sagn­ar­fresti, lok­un­ar­styrki, við­bótar- og stuðn­ings­lán, greiðslu­skjól og rík­is­á­byrgðir. Fjár­mála­fyr­ir­tæki hafa jafn­framt fengið stór­aukið svig­rúm til að standa við bakið á rekstr­ar­að­ilum. Mik­il­vægt er að þessi úrræði kom­ist að fullu til fram­kvæmda. Stjórn­völd hafa að und­an­förnu og í kjöl­far hertra sótt­varna­ráð­staf­ana hugað sér­stak­lega að stöðu þeirra rekstr­ar­að­ila sem orðið hafa fyrir veru­legu tekju­falli vegna far­ald­urs­ins með það fyrir augum að tryggja eins og nokkur er kostur að fyrir hendi sé sú geta sem nauð­syn­leg er til að stuðla að kröft­ugri við­spyrnu þegar úr ræt­ist. Verður horft til þess að veita beina styrki til fyr­ir­tækja sem hafa orðið fyrir tekju­hruni vegna COVID-19 far­ald­urs­ins. Með slíkum styrkjum er horft til þess að hægt sé að við­halda nauð­syn­legri lág­marks­starf­semi á meðan áhrifa far­ald­urs­ins gætir og með því eru við­skipta­sam­bönd varð­veitt og við­bún­aður tryggður. Gert er ráð fyrir að styrkir geti numið um 6 millj­örðum króna. Miðað er við að áætl­anir þar að lút­andi verði und­ir­búnar á næstu vikum og lagðar fyrir Alþingi eigi síðar en við fram­lagn­ingu frum­varps til fjár­auka­laga.
  4. Skattaí­viln­anir til fjár­fest­inga
    Unnið er að útfærslu á skatta­legum aðgerðum sem hafa það að mark­miði að hvetja og styðja fyr­ir­tæki til fjár­fest­inga sem ætlað er að efla nýsköpun og sam­keppn­is­hæfni atvinnu­lífs­ins. Er þar horft til þess að flýta afskriftum á nýfjár­fest­ingu, með áherslu á græna umbreyt­ingu og lofts­lags­mark­mið, sem gerir fyr­ir­tækjum kleift að ráð­ast í slíkar fjár­fest­ingar mun fyrr en ella. Jafn­framt verða skoð­aðar leiðir til að hvetja til þátt­töku almenn­ings í atvinnu­líf­inu með kaupum á hluta­bréfum.
  5. Aukin áhersla á nýsköpun og mat­væla­fram­leiðslu
    Í tengslum við gerð fjár­laga­frum­varps­ins hefur rík­is­stjórnin ákveðið að fram­lög til nýsköp­un­ar­mála verði stór­aukin milli ára eða sem nemur lið­lega fimm millj­örðum króna sam­an­borið við yfir­stand­andi ár og tíu millj­örðum króna í sam­an­burði við árin þar á undan. Hér má nefna stofnun Kríu, fjár­fest­ing­ar­sjóðs sem er ætlað að stuðla að upp­bygg­ingu, vexti og auk­inni sam­keppn­is­hæfni atvinnu­lífs­ins. Auk þess hafa íviln­anir til fyr­ir­tækja vegna rann­sókna og þró­un­ar­starfs verið ríf­lega þre­fald­aðar frá árinu 2017. Þá hafa fram­lög til nýsköp­unar í mat­væla­fram­leiðslu auk­ist umtals­vert, m.a. með stofnun Mat­væla­sjóðs. Rík­is­stjórnin mun í því sam­hengi kanna sér­stak­lega hag­kvæmni og skil­virkni í mat­væla­fram­leiðslu.
  6. Úrbætur á skipu­lags- og bygg­inga­málum
    Rík­is­stjórnin mun hrinda í fram­kvæmd úrbótum í skipu­lags- og bygg­inga­málum, m.a. með hlið­sjón af nið­ur­stöðum átaks­hóps í hús­næð­is­málum og ráð­gef­andi vinnu OECD fyrir stjórn­völd um sam­keppn­is­hindr­anir á mörk­uðum.
  7. Umbætur á líf­eyr­is­kerf­inu og á vinnu­mark­aði
    Í fram­haldi af því sem fram kemur í yfir­lýs­ingu rík­is­stjórn­ar­innar sem gefin var út í tengslum við Lífs­kjara­samn­ing­inn og sam­tölum við heild­ar­sam­tök á vinnu­mark­aði mun áður kynnt frum­varp um lög­fest­ingu iðgjalds, jafn­ræði sjóð­fé­laga með til­liti til almanna­trygg­inga og heim­ildir til ráð­stöf­unar til­greindrar sér­eignar í tengslum við öflun hús­næðis verða lagt fram á haust­þingi. Rík­is­stjórnin mun í fram­haldi af því hafa for­ystu um að stefnu­mörkun í líf­eyr­is­málum í nánu sam­starfi við heild­ar­sam­tök á vinnu­mark­aði og Lands­sam­band líf­eyr­is­sjóða. Stefnt er að því að afrakstur þess sam­ráðs verði græn­bók um líf­eyr­is­mál sem kynnt verði vorið 2021. Jafn­framt muni rík­is­stjórnin hafa for­ystu um gerð græn­bókar um fram­tíð­ar­um­hverfi kjara­samn­inga og vinnu­mark­aðs­mála í nánu sam­starfi við heild­ar­sam­tök á vinnu­mark­aði. Stefnt er að því að græn­bókin um vinnu­markað verði sömu­leiðis kynnt vorið 2021.
  8. Frumvörp sem styðja Lífs­kjara­samn­ing­inn lögð fram
    Í sam­ræmi við yfir­lýs­ingu rík­is­stjórn­ar­innar sem gefin var út í tengslum við Lífs­kjara­samn­ing­inn verða frum­varp til starfs­kjara­laga, frum­varp til húsa­leigu­laga, frum­varp til laga um breyt­ingar á gjald­þrota­skiptum (kenni­tölu­flakk) og frum­varp um breyt­ingar á lögum um vexti og verð­trygg­ingu lögð fram á haust­þingi.
Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Ríkisstjórn Katrínar

FréttirRíkisstjórn Katrínar

„Ég hef miklu meiri áhyggjur af vinstr­inu á Íslandi heldur en VG“

Drífa Snædal sagði eft­ir­minni­lega árið 2017 að það yrði „eins og að éta skít í heilt kjör­tíma­bil“ fyrir Vinstri græn að fara í rík­is­stjórn­ar­sam­starf með Sjálf­stæð­is­flokknum. Staða hennar gamla flokks í dag kemur henni ekki á óvart. „Fyrir vinstrið í fram­tíð­inni þá þarf það nátt­úr­lega að hafa afleið­ingar fyrir flokk að miðla málum svo hressi­lega að það er ekk­ert eftir af hug­sjón­unum,“ segir Drífa.
GreiningRíkisstjórn Katrínar

Sambúðin sem sært hefur VG nán­ast til ólífis

Vinstri græn sungu hástöfum á lands­fundi sínum fyrir rúmu ári: „Það gæti verið verra.“ Nú hefur það raun­gerst. Flokk­ur­inn skrapar botn­inn í fylg­is­mæl­ingum og hefur ekki sam­mælst um nýja for­ystu eftir brott­hvarf eins vin­sælasta stjórn­mála­manns lands­ins og flokk­ur­inn skrapar botn­inn í fylg­is­mæl­ingum. Hvort flokk­ur­inn sé nægi­lega sterkur til að spyrna sér upp og forða sér frá útrým­ingu á eftir að koma í ljós.

21 mín. lestur

GreiningRíkisstjórn Katrínar

Róttækur hug­sjóna­flokkur verður að borg­ara­legum valda­flokki

Vinstri græn hafa á síð­ustu fimm og hálfu ári tapað trausti og trú­verð­ug­leika, gefið afslátt af mörgum helstu stefnu­málum sínum og varið hegðun og aðgerðir sem flokk­ur­inn tal­aði áður skýrt á móti. Samhliða hefur rót­tækt fólk úr gras­rót­inni yfir­gefið Vinstri græn, kjós­enda­hóp­ur­inn breyst, hratt gengið á póli­tíska inn­eign Katrínar Jak­obs­dóttur og fylgi flokks­ins hrunið. Þetta er fórn­ar­kostn­aður þess að kom­ast að völdum með áður yfir­lýstum póli­tískum and­stæð­ingum sínum.

10 mín. lestur

ÚttektRíkisstjórn Katrínar

Stjórn­ar­sátt­mál­inn er stefna Fram­sókn­ar­flokks­ins

Ný rík­is­stjórn Katrínar Jak­obs­dóttur er miðju­sækin íhalds­stjórn, að mati Eiríks Berg­manns Ein­ars­sonar stjórn­mála­fræð­ings. Gera á allt fyrir alla, að mati Stefaníu Ósk­ars­dóttur stjórn­mála­fræð­ings. Sum þeirra mála sem ekki náðu fram að ganga á síð­asta kjör­tíma­bili ganga aftur í sátt­mál­anum en ann­arra sér ekki stað.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
5
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár