Tvennar þing­kosn­ingar, stjórn­mála­hneyksli og alþjóðaskandall um álegg á flat­bökur voru meðal þess sem stóð upp úr á kjör­tíma­bili Guðna Th. Jóhann­es­sonar, for­seta Íslands, sem kom skyndi­lega inn í íslensk stjórn­mál vorið 2016 og hefur notið mik­ils stuðn­ings síðan.

Atburða­rásin sem varð til þess að Guðni, þá kenn­ari í sagn­fræði við Háskóla Íslands, fór í for­seta­fram­boð og hlaut kjör var full óvæntra vend­inga. Ólafur Ragnar Grímsson for­seti hafði lýst því yfir að hann byði sig ekki aftur fram, en Guðni hafði vorið 2016 verið áber­andi sem álits­gjafi vegna þeirra póli­tísku hrær­inga sem fóru af stað þegar upp­ljóstr­anir úr Panama-skjöl­unum sýndu að íslenskir stjórn­mála­menn, þar á meðal Sig­mundur Davíð Gunn­laugs­son for­sæt­is­ráð­herra og Bjarni Bene­dikts­son fjár­mála­ráð­herra, hefðu átt félög í skatta­skjólum.

Guðni naut mik­illa vin­sælda sem stjórn­mála­skýr­andi á RÚV eftir að skjölin komu í dags­ljósið og Sig­mundur Davíð gerði til­raun til að rjúfa þing eftir vand­ræða­legt sjón­varps­við­tal …