Á meðan íslenska utan­rík­is­þjón­ustan hvatti Íslend­inga sem staddir voru erlendis til að halda heim vegna óvissu sem útbreiðsla COVID-19 kór­óna­víruss­ins hefur valdið gerðu sumir þver­öf­ugt. Hrafn­kell Lárusson býr í Varsjá í Póllandi og er um þessar mundir á loka­stigum í skrifum á dokt­ors­rit­gerð sinni í sagn­fræði frá Háskóla Íslands. Hrafn­kell var staddur hér á landi í síð­ustu viku þegar pólsk yfir­völd ákváðu með litlum fyr­ir­vara að loka landa­mærum Póllands og mátti hann hafa sig allan við til að kom­ast úr landi og heim til sín í Varsjá.

Hrafn­kell hefur að mestu dvalið ytra síð­ast­liðin tvö ár. „Í lok árs 2017 stóð ég frammi fyrir því að þurfa að finna mér nýtt hús­næði á Íslandi og mér reikn­að­ist til að á bil­inu 80 til 90 pró­sent ráð­stöf­un­ar­tekna minna hefðu farið í húsa­leigu, hefði ég fundið mér hæfi­legt hús­næði á höf­uð­borg­ar­svæð­inu. Ég var að mestu búinn með gagna­öflun og gat því tekið …