Skipu­lags- og umhverf­is­ráð Reykja­víkur sam­þykkti á fundi sínum í gær til­lögu Sjálf­stæð­is­flokks­ins um að hætta að birta efni úr raf­rænum eft­ir­lits­mynda­vélum sínum á vefnum.

Umhverfis- og skipu­lags­svið starf­rækir átta eft­ir­lits­mynda­vélar í borg­inni með það að mark­miði að fylgj­ast með færð vega. „Full­trúar Sjálf­stæð­is­flokks­ins líta ekki svo á að fylgj­ast þurfi með færð á sumrin og ekki að efnið þurfi að vera aðgengi­legt öllum á vef­síðu Vega­gerð­ar­innar,“ segir í til­lög­unni, sem Hildur Björns­dóttir og Katrín Atla­dóttir stóðu að. „Þegar kemur að raf­rænu eft­ir­liti er mik­il­vægt að stíga var­lega til jarðar. Frið­helgi einka­lífs­ins á að vega þyngra en þörf almenn­ings til að fylgj­ast með umferð og færð á vegum í þétt­býli.

Tillagan var lögð fram af full­trúum Sjálf­stæð­is­flokks­ins og var hún sam­þykkt með stuðn­ingi allra full­trúa nema Mörtu Guð­jóns­dóttur, borg­ar­full­trúa Sjálf­stæð­is­flokks­ins. „Vega­eft­ir­litið er fram­kvæmt í örygg­is­skyni og er haldið úti á 8 stöðum í borg­inni á snjó­þyngstu svæð­unum og því haldið úti með raf­rænum hætti með mynda­vélum sem taka mynd á 5- 10 mín­útna fresti þar sem ein­stak­lingar og bíl­númer eru ekki grein­an­leg,“ lét hún bóka á fundi ráðs­ins. „Þessi vöktun auð­veldar íbúum að fylgj­ast með færð og ýtir undir umferð­ar­ör­yggi. Með ofan­greindar stað­reyndir í huga að ekki sé hægt að greina per­sónur og bíl­númer er ekki séð að það bitni á frið­helgi einka­lífs­ins.“

Eft­ir­lits­mynda­vélum hefur fjölgað víða um land á und­an­förnum árum. Embætti Rík­is­lög­reglu­stjóra hefur aukið við geymslu­getu mið­lægs gagna­grunns síns, sem hefur gefið lög­reglu­emb­ættum víða um land tæki­færi til að fjölga eft­ir­lits­mynda­vélum.