Samtök atvinnulífsins telja forsendur lífskjarasamingsins brostnar og vill að verkalýðshreyfingin aðlagi hann að breyttri stöðu efnahagsmála. Þetta kemur fram í fréttatilkynningu sem finna má á vef SA.
Samkvæmt tilkynningunni var spáð 10,2 prósenta samfelldum hagvexti skömmu út samningstíma Lífskjarasamningsins skömmu fyrir gerð hans, en nú sé gert ráð fyrir 0,8 prósenta vexti á sama tímabili. Samtökin telja að ekki séu nægir fjármunir til staðar hjá fyrirtækjum til að efna umsamdar launahækkanir í þessu ástandi.
SA leggur til nokkrar leiðir fyrir verkalýðshreyfinguna til að komast til móts við fyrirtækin svo að samningnum verði ekki rift, en þær fela í sér frestun umsamdra launahækkana og lengingu samningstímans sem því nemur, tímabundinni lækkun á framlagi atvinnurekenda í lífeyrissjóð, eða tímabundinni frestun á endurskoðun kjarasamninganna.
Samtökin segja að ASÍ hafi hafnað öllum ofangreindum tillögum á formannafundi fyrr í vikunni. Enn fremur segist SA hafa heimild til að segja þessum kjarasamningum upp um komandi mánaðarmót, komi verkalýðshreyfingin ekki til móts við atvinnulífið.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
SA
Segir algjöran skort hafa verið á samtali
Athugasemdir