Alls bjó 50.701 erlendur ríkisborgari á Íslandi þann 1. júlí 2020 og fjölgaði þeim um 1.354 frá 1. desember síðastliðnum. Þetta kemur fram í tölum frá Þjóðskrá sem birtar voru í dag. Á sama tíma fjölgaði íslenskum ríkisborgurum búsettum hér á landi um 1.171.
[adspot]
Í tilkynningu frá Þjóðskrá kemur fram að pólskir ríkisborgarar sem hér búa eru nú 20.904 og fjölgaði þeim á tímabilinu um 230. Næst mest var fjölgunin meðal rúmenskra ríkisborgara, um 178.
[links]
Ef litið er til þeirra landa hvaðan flestir íbúar landsins koma, þá er fjölmennasti hópur erlendra ríkisborgara frá Póllandi. Þar á eftir kemur Litháen, en litháískir ríkisborgarar hér á landi eru alls 4.711. Á eftir Litháen kemur Rúmenía en þaðan koma 2.224 íbúar.
Í síðustu viku birti Hagstofan tölur um mannfjöldaþróun þar sem fram kom að á öðrum ársfjórðungi ársins hafi flutningsjöfnuður erlendra ríkisborgara verið neikvæður í fyrsta sinn síðan árið 2012. Á öðrum ársfjórðungi fluttust 250 fleiri erlendir ríkisborgarar til útlanda heldur en til Íslands.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
íbúafjöldi
Í fyrsta sinn frá árinu 2012 fluttu fleiri erlendir ríkisborgarar af landinu en til þess
Íslendingar snéru heim í miðjum COVID-19 faraldri
Athugasemdir