Fyrsta konan af erlendum uppruna tekur við embætti varaformanns Eflingar

Agnieszka Ewa Ziółkowska hefur tekið við emb­ætti vara­for­manns Eflingar en þetta er í fyrsta sinn sem kona af erlendum upp­runa gegnir þessu emb­ætti. Frá þessu greinir Efling á Facebook-síðu sinni í dag.

„Við erum ótrú­lega glöð að bjóða vel­komna í emb­ætti nýjan vara­for­mann Eflingar, Agnieszku Ewu Ziółkowska! Hún hefur verið Efl­ing­ar­með­limur í tólf ár, fyrst þegar hún starf­aði við þrif hjá ISS og svo sem strætó­bíl­stjóri hjá Almenn­ings­vögnum Kynn­is­ferða. Þar var hún trún­að­ar­maður í fjögur ár. Starfs­fólk þar er nú með best skipu­lögðu hópum félags­manna stétt­ar­fé­lags­ins,“ segir í færsl­unni.

Í frétt Eflingar kemur fram að Agnieszka hafi komið á starfs­manna­fund hjá félag­inu í morgun og heilsað upp á starfs­fólk.

Söguleg stund

Agniezska kemur frá Póllandi og hefur búið og starfað á Íslandi síð­ast­liðin 12 ár, fyrst við þrif hjá ISS og svo sem strætó­bíl­stjóri hjá Almenn­ings­vögnum Kynn­is­ferða. Þar var hún trún­að­ar­maður í fjögur ár og segir í frétt Eflingar að starfs­fólk þar sé nú með best skipu­lögðu hópum félags­manna stétt­ar­fé­lags­ins.

Sólveig Anna segir þetta vera sögu­lega stund, þegar kona af erlendum upp­runa tekur við vara­for­manns­emb­ætti í íslensku stétt­ar­fé­lagi, en helm­ingur félags­manna Eflingar er aðflutt verka­fólk. „Það er tíma­bært að stétt­ar­fé­lög end­ur­spegli sinn félags­skap,“ segir hún.