Breska þingið tók ráðin af ríkisstjórninni vegna Brexit

Þingmenn breska þings­ins sam­þykktu í gær­kvöld að þingið myndi ráða ferð­inni í næstu atkvæða­greiðslum um hver næstu skref verða í Brexit-deil­unni. Þrír ráð­herrar úr rík­is­stjórn Theresu May sögðu af sér til að kjósa með til­lög­unni, sem lögð var fram af þing­manni Íhalds­flokks­ins. 329 þing­menn greiddu atkvæði með til­lög­unni en 302 voru á móti. Frá þessu er greint á BBC.

Mögulega kosið um aðra þjóðaratkvæðagreiðslu

Nið­ur­staða atkvæða­greiðsl­unnar þykir mik­ill ósigur fyrir May og rík­is­stjórn hennar en hún þýðir að þing­menn­irnir hafa tekið yfir dag­skrá­vald neðri mál­stofu breska þings­ins. Í atkvæða­greiðsl­unum á mið­viku­dag­inn verður þing­mönn­unum gert kleift að kjósa um ólíkar til­lögur að næstu skrefum í Brexit-deil­unni. Samkvæmt BBC þykir lík­legt að greidd verði atkvæði um „væg­ari“ út­göngu úr Evr­ópu­sam­band­inu, tolla­banda­lag við ESB og jafn­vel aðra þjóðar­at­kvæða­greiðsla um Brexit.

Atkvæða­greiðsl­urnar verða þó ekki bind­andi en þeim er ætlað að finna út hver raun­veru­legur vilji þings­ins er. Theresa May sagð­ist í kjöl­far nið­ur­stöð­unnar ekki getað lofað því að rík­is­stjórnin myndi fara eftir þeim til­lögum sem þingið sam­þykkir í atkvæða­greiðsl­unum. [adspot]

27 ráðherrar hafa nú sagt af sér vegna Brexit

Þrír ráð­herrar sögðu af sér til að greiða atkvæði með til­lög­unni, þeirra á meðal er Richard Harr­ington, við­skipta­ráð­herra Bret­lands. Í heild hafa nú 27 ráð­herrar sagt af sér vegna Brexit

Keir Starmer, skugga­ráð­herra Brexit-mála hjá Verka­manna­flokknum, kall­aði ósigur rík­is­stjórnar May nið­ur­læg­ingu en þrjá­tíu þing­menn Íhalds­flokks­ins greiddu atkvæði með til­lög­unni. Hann skrif­aði í Twitter-færslu að for­sæt­is­ráð­herr­ann hafi nú misst stjórn á eigin flokki, ráðu­neyti og öllu Brexit-ferl­inu. Jeremy Corbyn, leið­togi Verka­manna­flokks­ins, hrós­aði þing­inu fyrir ákvörðun sína og sagði jafn­framt að rík­is­stjórnin yrði að taka nið­ur­stöður atkvæða­greiðsl­unnar alvar­lega.

Frestun Brexit fer eftir atkvæðagreiðslunni

Leiðtog­ar Evr­ópu­sam­bands­ins hafa sam­þykkt áætlun um að fresta Brexit fram yfir 29. mars næst­kom­andi, sem er dag­setn­ing­in sem hingað til hef­ur verið miðað við. Samþykkt var að veita frest til 22. maí ef þingið sam­þykkir Brexit-samn­ing í vik­unni en ef ekki þá mun Evr­ópu­sam­bandið veita bretum frest til 12. apríl.