Yfir 2.000 manns hófu verkföll í nótt

Sól­ar­hrings­verk­fall félags­manna Eflingar og VR á hót­elum og hjá hóp­bif­reiða­fyr­ir­tækjum hófst á mið­nætti. Ríflega 2000 félagar í Eflingu og VR taka þátt í verk­fall­inu en meiri­hluti þeirra starfar á 40 hót­elum á félags­svæði stétt­ar­fé­lag­anna en hluti þeirra starfar hjá hóp­bif­reiða­fyr­ir­tækjum á höf­uð­borg­ar­svæð­inu.

Fjölmiðlabann á samninganefndir

Fulltrúa VR, Eflingar, Fram­sýnar, Verka­lýðs­fé­lags Akraness og Verka­lýðs­fé­lags Grinda­víkur fund­uðu með full­trúum SA í um níu klukku­tíma í gær en fund­inum var slitið hjá Rík­is­sátta­semj­ara á átt­unda tím­anum í gær­kvöld án nið­ur­stöðu. Rík­is­sátta­semj­ari setti fjöl­miðla­bann á samn­inga­nefndir deilu­að­ila í gær og ríkir því enn trún­aður um allt sem við kemur við­ræð­unum. [adspot]

Búist er við mik­illi truflun á allri starf­semi hót­el­anna fjöru­tíu í dag en auk þess hafa verið felldar niður ferðir hóp­bif­reiða. Þá fellur niður skóla­akstur í Reykja­vík í dag en akst­ur­þjón­usta fyrir fatl­aða helst óbreytt.

Ágrein­ingur hefur verið um hvort verk­fallið eigi að ná til bíl­stjóra sem ekki eru í Eflingu og tals­verð óvissa ríkti í gær um hverjir myndu leggja niður störf í dag. Á RÚV er greint frá því að þeir starfs­menn Kynn­is­ferða sem ekki eru félags­menn í Eflingu fengu þau skila­boð frá sínum stétt­ar­fé­lögum að þeir mættu vinna sín störf og mættu því til starfa í dag.

Verkfallinu lýkur á miðnætti

Lík og í verk­falli Eflingar fyrir tveimur vikum mun Efling standa fyrir dag­skrá og aðgerðum í dag. Þannig verður sam­stöðu­fundur rútu­bíl­stjóra í Vinabæ og hót­el­starfs­fólk mun fara á milli hót­ela þar sem verða kröfu­stöður Verk­fall­inu lýkur á mið­nætti í kvöld en næstu verk­föll á vegum Eflingar og VR eru boðuð 28. og 29. mars ef ekki nást samn­ingar fyrir þann tíma