Marorka í greiðslustöðvun - Ekki greidd laun til starfsmanna um mánaðamót

Tækni­fyr­ir­tækið Maroka, sem meðal ann­ars hefur þjón­u­stað skipa­iðnað víða um heim og aðstoðað við að draga úr mengun og auka hag­kvæmni, er á leið í greiðslu­stöðvun, en starfs­fólki fyr­ir­tæk­is­ins var til­kynnt um þetta í dag, sam­kvæmt heim­ildum Kjarnans.

Ekki er útlit fyrir að starfs­fólk fái greitt um mán­að­ar­mótin sam­kvæmt upp­lýs­ingum sem starfs­fólk fékk.

Hallað hefur undan fæti í rekstri fyr­ir­tæk­is­ins að und­an­förnu, og fór svo að lokum að ákvörðun var tekin um að hætta starf­semi.

Þýski sjóð­ur­inn Mayfair er stærsti eig­andi fyr­ir­tæk­is­ins með yfir 70 pró­sent eign­ar­hlut, en fyr­ir­tækið hefur meðal ann­ars verið með skrif­stofur í Singapúr, Sam­ein­uðu arab­ísku fursta­dæm­unum og Þýsklandi. Saga fyr­ir­tæk­is­ins spannar yfir 15 ára tíma­bil.

For­stjóri fyr­ir­tæk­is­ins er Juergen Kudritzki og fjár­mála­stjóri Peter Callow, sam­kvæmt upp­lýs­ingum á vef fyr­ir­tæk­is­ins, en ekki hefur náðst sam­band við þá í dag.