Heildarlaun starfsmanna ríkisins voru að meðaltali 603 þúsund á mánuði árið 2014 og hækkuðum um 5,8 prósent frá árinu 2013. Heildarlaun starfsmanna sveitarfélaga voru að meðaltali 442 þúsund á mánuði og hækkuðu um rúm 8 prósent. Starfsmenn á almennum vinnumarkaði voru að meðaltali með um 580 þúsund króna mánaðarlaun í fyrra, sem er hækkun upp á um 4,5 prósent frá 2013.
Þetta er meðal þess sem lesa má úr niðurstöðum launarannsóknar Hagstofu Íslands um laun og dreifingu launa árið 2014. Gögn rannsóknarinnar ná til um 70 þúsund launþega.
Heildarlaun starfsmanna frá 2012 til 2014
|
Create infographics
Á almennum vinnumarkaði hækkuðu heildarlaun, það eru regluleg laun auk yfirvinnu og öðrum greiðslum, starfsstétta um 3,8 til 7,2 prósent. Minnst hækkuðu laun þjónustu-sölu og afgreiðslufólks. Hér er litið til meðaltalslauna sem voru 413 þúsund á mánuði meðal starfsmanna þessarar starfsstéttar. Laun stjórnenda hækkuðu um 5,3% á síðasta ári og eru að meðaltali um 1,08 milljónir á mánuði. Laun sérfræðinga hækkuðu mest allra, eða um 7,3%. Taflan hér að neðan sýnir meðallaun þessara starfsstétta á mánuði frá 2012 til 2014.
Fram kemur í frétt Hagstofunnar um niðurstöður rannsóknarinnar að rúmlega helmingur fullvinnandi launamanna hafi verið með heildarlaun undir 500 þúsund krónum á mánuði árið 2014. Um 45 prósent launamanna voru með heildarlaun á bilinu 300 til 500 þúsund krónur, tæplega 30 prósent launamanna voru með heildarlaun á bilinu 500 til 700 þúsund og tæp 20 prósent voru með heildarlaun yfir 700 þúsund krónum á mánuði. Meðaltal heildarlauna var 555 þúsund, þar af 619 þúsund hjá körlum en 486 þúsund hjá konum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ferð til fjár
Fjögur gröf sem útskýra fasteignamarkaðinn
Væntingar dvína í skugga kjaraviðræðna
Persónuafslátturinn er 610.825 krónur í ár
Verðbólgan étur kaupmáttinn
Íslendingar eru samvinnuþýðari en aðrir
Athugasemdir