Þorsteinn Már Baldvinsson, helsti eigandi og fyrrverandi forstjóri Samherja, hefur sagt sig frá stjórnarsetu- og formennsku í Framherja, færeysku félagi Samherja. Þetta kemur fram í frétt á færeyska vefnum VP.
Framherji var stofnaður árið 1994 í félagi við Færeyinga. Framherji gerir út togarana Akraberg, Høgaberg og Fagraberg frá Fuglafirði og hefur Samherji einnig átt frysti- og kæligeymsluna Bergfrost í Fuglafirði frá árinu 2003. Forstjóri Framherja er Anfinn Olsen.
Samherji á um fjórðungshlut í Framherja, sem er eitt stærsta útgerðarfélag Færeyja. Uppljóstranir Stundarinnar, Kveiks, Wikileaks og Al Jazeera um mútugreiðslur Samherja til að öðlast fiskveiðiheimildir í Namibíu hafa vakið mikla athygli þar í landi.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Samherjaskjölin
„Tími á að íslensk stjórnvöld axli siðferðislega ábyrgð á Samherja“
Leiðtogi namibísku stjónarandstöðunnar segir landa sína undrast þögn íslenskra stjórnvalda um þá staðreynd að stærsta spillingarmál í sögu Namibíu hafi orðið til fyrir tilstilli íslensks fyrirtækis. Spyr hvort hundrað milljóna styrkur Orkusjóðs sé ríkisstyrkt spilling og sendir forsætisráðherra opið bréf og óskar liðsinnis hennar við að fá Samherja til að greiða bætur og svara til saka.
Samherji sakaður um stórfelld skattalaga- og gjaldeyrisbrot í Namibíu og framsalskrafa væntanleg
Ríkissaksóknari Namibíu er enn ákveðinn í því að óska eftir framsali þriggja stjórnenda Samherjafélaga í Namibíu og segir brot á skatta- og gjaldeyrislögum muni mögulega bætast við sakarefnin á hendur þeim. Stórfelld skattalagabrot Samherjafélaga sögð til rannsóknar. Samherjamaður segir íslensk yfirvöld þegar hafa neitað að framselja sig.
Íslandsvinkona svo gott sem orðin forseti Namibíu
Netumbo Nandi-Ndaitwah, utanríkisráðherra Namibíu, sem kom hingað til lands í júní og ræddi Samherjamálið við íslenska ráðherra og aðstoðarmann eins þeirra, er nú svo gott sem búin að tryggja sér forsetaembættið í Namibíu. Hún var í morgun kjörin arftaki formanns flokksins, sitjandi forseta sem hyggst setjast í helgan stein. Flokkurinn nýtur slíks yfirburðarfylgis að innanflokkskosningin er sögð raunverulegt forsetakjör.
„Þetta eru glæpamenn og hegða sér eftir því“
Jóhannes Stefánsson, uppljóstrari í Samherjamálinu, er sáttur við gang rannsóknarinnar hér á landi og segir að fátt geti komið í veg fyrir að málið endi með dómi. Hann gagnrýnir þó aðgerðarleysi yfirvalda við því þegar Samherjamenn hafa áreitt, njósnað um eða reynt að hræða hann frá því að bera vitni. Fátt í viðbrögðum Samherjafólks hafi þó komið honum á óvart, enda fái þau að ganga mun lengra en öðrum liðist.
Færeyskur ráðherra krafinn svara um Samherjarannsókn
Högni Hoydal, formaður Þjóðveldisflokksins færeyska, hefur í færeyska þinginu óskað eftir svörum við því hvað líði rannsókn lögreglu á meintum skattalagabrotum Samherja í Færeyjum. Samherji endurgreiddi 340 milljónir króna til færeyska Skattsins, sem vísaði málinu til lögreglu. Síðan hefur lítið af því frést.
Fjármálastjóri hjá Samherja segir mútugreiðslur í Afríku nauðsynlegar
Brynjar Þórsson, fjármálastjóri Samherja á Kanaríeyjum, sem meðal annars kom að greiðslum til namibískra ráðamanna, segir að „svokallaðar mútugreiðslur“ séu „standard“ í Afríku. Þetta kom fram í yfirheyrslum yfir Brynjari sem hefur stöðu vitnis í rannsókn Samherjamálsins hjá héraðssaksóknara. Brynjar sagði Samherja hafa beitt sömu aðferðum til að komast yfir kvóta í Marokkó og Máritaníu, áður en fyrirtækið hóf útgerð í Namibíu.
Athugasemdir