Það tekur þingmann tæpt ár að safna fyrir fyrstu fasteign en kennara 13 ár

Ásta Guðrún Helga­dóttir, þing­flokks­for­maður Pírata, sagði í Silfrinu á RÚV í gær­morgun „Það er í raun­inni bara miklu meira fólk sem þarf hús­næði en fram­boðið er. Þá nátt­úru­lega bara hækkar verðið og ég meina ég er ekk­ert að fara að sjá fram á það að geta keypt mér íbúð ein­hvern­tíman á næst­unni, það er bara frekar ómögu­legt að mínu mati.“ Dagur Hjart­ar­son, kenn­ari og rit­höf­undur, gagn­rýndi ummæli Ástu Guðrúnar á Twitter og skrif­aði: „Ættir að geta sparað fyrir útborgun á einu ári miðað við þetta. Sem er ekki alveg í takt við reynslu flestra ungra Íslend­inga.“ Miðað við ráð­stöf­un­ar­tekjur og neyslu­við­mið ein­stak­linga kemur í ljós að það það gæti tekið rúm­lega ár fyrir þing­mann að safna fyrir útborgun af lít­illi íbúð mið­svæðis í Reykja­vík. Hins vegar tæki það 13 ár fyrir grunn­skóla­kenn­ara að safna sér fyrir sömu íbúð.