Í dag kemur Stundin fyrst út sem frétta­mið­ill á vefnum. Fram­vegis verður dag­legur frétta­flutn­ingur á Stund­inni.

Vefurinn kemur út í sinni fyrstu mynd í dag og verður bæði útlit hans, virkni og efni þróað jafnt og þétt lengra í fram­hald­inu.

Áskriftarfyrirkomulag byggt á New York Times

Þeir sem hafa áskrift að Stund­inni hafa ótak­mark­aðan aðgang að vef­síð­unni. Áskrift­ar­fyr­ir­komu­lagið er að hluta til byggt á fyr­ir­mynd banda­ríska blaðs­ins New York Times, þar sem vef­ur­inn er öllum opinn upp að ákveðnum fjölda flett­inga. Stundin.is er þannig að hluta opin öllum og þeir sem skrá sig inn fá sex heilar greinar á mán­uði. Þegar flett­inga­kvóta er náð er ein­ungis fremsti hluti greinar opinn og les­endur fá boð um að greiða hóf­legt áskrift­ar­gjald.. Vef­á­skrift ein og sér kostar 750 kr. á mán­uði, en prentá­skrift ásamt vef­á­skrift 950 kr. Þar sem þú ert með áskrift að Stund­inni hefur þú ótak­mark­aðan aðgang að efni vefs­ins.

Hér eru leið­bein­ingar um hvernig kaupa má áskrift:

1. Þú ferð inn á www.stundin.is/askrift

2. Þú fyllir inn í glugg­ana þær upp­lýs­ingar sem beðið er um

3. Þú velur áskrift­ar­leið­ina sem við á. Þeir sem hafa þegar keypt áskrift geta virkjað áskrift­ina með því að velja við­eig­andi áskrift­ar­leið í flipaflett­inum.

Ef upp koma vand­ræði er unnt að senda skila­boð á askrift@stundin.is eða kvartanir@stundin.is.

Aðdragandi Stundarinnar

Stundin var stofnuð í febr­úar 2015 með til­stuðlan hóp­fjár­mögn­unar. Verk­efnið sló met á hóp­fjár­mögn­un­ar­vefnum Karolina Fund og hafði aldrei áður feng­ist jafnhá upp­hæð, jafn­hratt og frá jafn­mörgum styrkj­endum.

Stofn­enda­hópur Stund­ar­innar sam­an­stóð af fjöl­miðla­fólki sem hafði hætt störfum á DV eftir fjand­sam­lega yfir­töku á miðl­inum vegna umfjall­ana. Til­gang­ur­inn með stofnun Stund­ar­innar var að skapa val­kost um nýjan og óháðan fjöl­miðil.

Ein leiðin til þess að binda saman hags­muni mið­ils­ins og almenn­ings var að sækja stofnfé til dreifðs hóps. Önnur leið var að leggja höf­uð­á­herslu á tekjur frá almenn­ingi. Með því að treysta á áskrift­ar­tekjur er Stundin fyrst og fremst háð almenn­ingi.

Markmið

Við stofnun og mótun Stund­ar­innar var tekið mið af fjórum for­sendum:

1. Við tökum öll ákvarðanir byggt á þeim upplýsingum sem við fáum.

-Á hverjum degi tökum við ákvarð­anir sem borg­arar, starfs­fólk, for­eldrar, neyt­endur og fleira. Við byggjum á eigin dóm­greind, en upp­lýs­ingar bæði móta þessa dóm­greind og eru hrá­efni hennar.

2. Þessar ákvarðanir eru undirstaða farsældar samfélagsins og okkar sjálfra.

- Hæfni, geta og dóm­greind mynda saman „mannauð“, sem er birt­inga­mynd réttra ákvarð­ana. Velmegun og far­sæld þjóða ræðst ekki síður af mannauði en nátt­úru­auð­lindum. Auð­lindir fara ekki endi­lega saman við háar þjóð­ar­tekjur, að hluta til vegna óupp­lýstra ákvarð­ana og marg­feld­is­á­hrifa þeirra.

3. Vald hefur áhrif á þær upplýsingar sem okkur eru veittar.

-Hags­muna­að­ilar geta og hafa eign­ast fjöl­miðla og mótað þá eftir eigin höfði. Kaup og nið­ur­greiðslur á fjöl­miðla­út­gáfu getur flokk­ast undir mark­aðs­kostnað fyrir öfl­uga hags­muna­að­ila. Eigendur fjöl­miðla geta ráðið til starfa stjórn­endur á rit­stjórnum sem hafa gild­is­mat, bak­grunn og skoð­anir sem hæfa ytri hags­munum þeirra, með þeim afleið­ingum að umfjall­anir fær­ast í átt að þeirra hags­munum.

4. Þetta vald hefur ekki alltaf sömu hagsmuni og við sem einstaklingar eða heild.

- Hags­munir þeirra sem ráða yfir nægi­legu fjár­magni og kjósa að kaupa upp fjöl­miðla geta gengið gegn almanna­hags­munum.