Sjálfstæðismenn að baki framboði Guðna

Fólkið sem stendur að baki fram­boða Guðna Th. Jóhanns­sonar á það sam­merkt að til­heyra Sjálf­stæð­is­flokknum og vera virkir þátt­tak­endur í störfum hans. Guðni er sá for­seta­fram­bjóð­andi sem hefur hvað mesta áherslu lagt á að for­set­inn sé óháður, standi utan við flokka og fylk­ingar og þjóni öllum jafnt. Eins og segir í kynn­ingu á meg­in­stefnu hans á vef­síðu sem hann heldur úti: „Fólkið í land­inu á að finna að hann sé ekki í liði með einum á móti öðrum.“ Það er því athygl­is­vert að þeir sem stýra fram­boði hans eru allir tengdir Sjálf­stæð­is­flokknum, fyrir utan eig­in­konu hans sem virð­ist ekki hafa neinar teng­ingar við íslenska stjórn­mála­flokka.

Á heima­síðu Guðna eru að finna upp­lýs­ingar um fram­boðið. Þar kemur fram að félag um for­seta­fram­boðið beri fjár­hags- og skipu­lega ábyrgð á fram­boði Guðna. Stjórn félags­ins er skipuð Þorgerði Önnu Arn­ar­dóttur, Lúðvík Erni Stein­ars­syni og Elizu Reid, eig­in­konu Guðna.

Þor­gerður Anna, for­maður félags­ins, er í mið­stjórn Sjálf­stæð­is­flokks­ins. Fram­kvæmda­stjórn flokks­ins er í höndum mið­stjórnar sem ber til að mynda ábyrgð á öllu innra starfi flokks­ins og hefur eft­ir­lits- og úrskurð­ar­vald um allar fram­kvæmdir á vegum hans. 

Lúðvík Örn er for­maður full­trúa­ráðs Sjálf­stæð­is­flokks­ins í Garðabæ. Lúðvík er lög­maður sem hefur um ára­bil verið við­loð­andi Sjálf­stæð­is­flokk­inn og starfað í þágu hans.

Sjálfstæðismenn í framkvæmdanefnd

Auk þess að stýra stjórn félag um fram­boðið situr Þor­gerður Anna í þriggja manna fram­kvæmda­stjórn. Fram­kvæmda­stjórnin stýrir kosn­inga­bar­áttu Guðna. Þor­gerður, sem er kenn­ari að mennt og hefur að baki reynslu sem skóla­stjórn­andi bæði í barna­skóla Hjalla­stefn­unnar á Víf­ils­stöðum og leik­skólum, er umboðs­maður fram­boðs­ins. Hún sér um fjár­mál og bók­hald, kosn­inga­mið­stöð­ina, sam­skipti við kjör­stjórn og önnur verk­efni sem falla að umboðs­manni. 

Ásamt Þorgerði Önnu sitja þeir Magnús Lyngdal Magn­ús­son og Friðjón R. Frið­jóns­son í fram­kvæmda­stjórn­inni. Magnús sat síð­asta lands­fund Sjálf­stæð­is­flokks­ins þar sem hann var kos­inn í alls­herjar- og mennta­mála­nefnd. Formenn mál­efna­nefnd­anna mynda stjórn flokks­ráðs ásamt vara­for­manni og fram­kvæmda­stjóra flokks­ins. Lands­fund­ar­full­trúar Sjálf­stæð­is­flokks­ins eru valdir á full­trúa­ráðs- eða félags­fundum, en kosn­ing­ar­rétt og kjör­gengi hafa aðeins full­gildir félags­menn. 

Í byrjun júní greindi Kjarninn síðan frá því að allar líkur séu á því að Magnús, sem er sagn­fræð­ingur og aðstoð­ar­maður rekt­ors, bjóði sig fram fyrir Sjálf­stæð­is­flokk­inn, annað hvort í kom­andi kosn­ingum eða næstu sveit­ar­stjórn­ar­kosn­ingum. Nú sér hann um fram­kvæmd kosn­inga­bar­áttu Guðna.