Silicor Materials sver af sér Bjarna Ben

Vegna greinar sem birt­ist á vef­síð­unni vald.org, þar sem tengsl Bjarna Bene­dikts­sonar fjár­mála­ráð­herra og for­manns Sjálf­stæð­is­flokks­ins við félagið „Elkem Silicor Mater­i­als“ voru til umfjöll­unar, sendi Davíð Stef­áns­son, verk­efn­is­stjóri Silicor Mater­i­als á Íslandi, neð­an­greinda árétt­ingu á Stundina. 

Síð­ast­lið­inn föstu­dag greindi Stundin frá því að hluti þeirra ásak­ana sem birt­ust á vef­síð­unni vald.org voru réttar. Þar má helst nefna þá staf­hæf­ingu að Bjarni sé enn umboðs­að­ili Elkem á Íslandi sam­kvæmt fyr­ir­tækja­skrá. Að sögn Teits Björns Ein­ars­sonar, aðstoð­ar­manns Bjarna, var ástæðan sú að skrán­ingu hafi ekki verið breytt frá árinu 2003 þegar Bjarni tók að sér að sér sem lög­fræð­ingur að stofna banka­reikn­ing fyrir Elkem á Íslandi. Raunar benti Teitur á það sama þá og Davíð nú, Elkem og Silicor Mater­i­als eru tvö mis­mun­andi fyr­ir­tæki.

Yfirlýsing Silicor Materials á Íslandi í heild sinni:

„Hér er verið að rugla saman tveimur alls óskyldum fyr­ir­tækjum. Annað er járn­blendi­verk­smiðja Elkem á Grund­ar­tanga og hitt er fyr­ir­tækið Silicor Mater­i­als sem er að und­ir­búa bygg­ingu sól­ar­kís­il­verk­smiðju á Grund­ar­tanga. Stað­setn­ingin á Grund­ar­tanga er það eina sem þessi fyr­ir­tæki eiga sam­eig­in­legt. Alls engin stjórn­un­ar­tengsl eða eign­ar­tengsl eru á milli félag­anna. Enn síður eru nokkur tengsl á milli Silicor Mater­i­als og Bjarna Bene­dikts­sonar fjár­mála­ráð­herra. Mér vit­an­lega hafa full­trúar Silicor Mater­i­als aldrei átt fund með Bjarna Bene­dikts­syni, hvað þá að hann hafi verið eða sé lög­maður félags­ins.“