For­svars­menn repúblik­ana flokks­ins í Harvard háskóla lýstu því yfir í gær að fram­bjóð­andi flokks­ins til for­seta „ógn­aði fram­tíð lands­ins,“ og báðu á sama tíma for­menn flokks­ins og félaga sína í röðum íhalds­manna um að „sam­ein­ast okkur í að for­dæma og draga úr stuðn­ingi við þennan hættu­lega mann.“

Ákvörð­unin um að hafna fram­bjóð­and­anum opin­ber­lega var tekin fyrr í vik­unni, segir for­seti Harvard Republican Club, Declan Garvey, í sam­tali við CNN. Ein­hverjir með­limir ætla sér að kjósa Hillary Clinton og enn aðrir halla sér óflokks­bundna fram­bjóð­and­anum Gary Johnson. 80% repúblik­ana í Harvard segj­ast ekki ætla að kjósa Trump, 10% styðja hann og önnur 10% eru óákveðin.

„Ein­ræð­istil­burðir hans og daður við fas­isma eiga sér ekki hlið­stæðu í sögu lands­ins.“

Í 800 orða yfir­lýs­ingu sem hóp­ur­inn birti á Facebook segir að Trump búi ekki yfir skap­gerð­inni eða per­sónu­leik­anum sem er nauð­syn­legur til þess að leiða Banda­ríkin í gegnum sífellt hættu­legri heim. „Ein­ræð­istil­burðir hans og daður við fas­isma eiga sér ekki hlið­stæðu í sögu lands­ins. Hann vill stía okkur í sundur eftir kyn­þætti, efna­hag og trú og gera okkur nógu hrædd og kvíðin til þess að hann kom­ist í Hvíta Húsið.“

Kosningateymið í sjálfsvígshugleiðingum

Á mið­viku­dag­inn heyrð­ust fréttir þess efnis að starfs­fólk kosn­ingateymis Donald Trump væru í sjálfs­vígs­hug­leið­ingum. Eftir sífellt tryll­ings­legri yfir­lýs­ingar fram­bjóð­and­ans væru ráð­gjafar hans að gef­ast upp á því að hægt væri að hafa hemil á honum.

Paul Manafort Kosn­inga­stjór­inn er sagður hafa gef­ist upp á því að hafa hemil á Trump

Paul Manafort, sem feng­inn var til að stýra kosn­inga­bar­átt­unni eftir að ljóst var að Trump yrði fram­bjóð­andi flokks­ins er, sam­kvæmt inn­an­búða­fólki, orð­inn svo frá­hverfur Trump að hann hefur í raun lagt niður öll störf. Vonir stóðu til að eftir að Manafort, sem hefur mikla reynslu í fag­inu, tók við bar­átt­unni, fengi hún á sig eðli­legri blæ. Það þykir hins vegar vera að koma í ljós að Trump sé ein­fald­lega of óstýr­látur til þess að það gæti gengið eftir.