Myndir af hand­töku Hlínar Ein­ars­dóttur í tengslum við fjár­kúg­un­ar­mál á hendur Sigmundi Davíð Gunn­laugs­syni for­sæt­is­ráð­herra eru birtar í Stund­inni í dag. Á mynd­unum sést þegar svartur bíll kemur með tösku og skilur eftir á til­teknum stað eftir fyr­ir­mælum Hlínar sem hafði hótað að birta upp­lýs­ingar sem tengja Sigmund Davíð við fjár­mögnun Press­unar sem er í eigu Björns Inga Hrafns­sonar, fyrr­ver­andi sam­býl­is­manns hennar. Á öðrum myndum sést Hlín á flótta undan sér­sveit­ar­mönnum sem yfir­bug­uðu hana skömmu síðar. þetta gerð­ist 29. maí síð­ast­lið­inn. Málið vakti þjóð­ar­at­hygli. 

Ítarlegt við­tal er við Malín Brand í Stund­inni í dag þar sem hún lýsir atburða­rásinni sem end­aði með hand­töku þeirra systra. Þá eru birt dag­bók­ar­brot Malínar vegan máls­ins. 

Hér er gripið ofan í frá­sögn­ina þar sem Hlín er lögð af stað til að sækja pen­ing­ana. 

Hand­takan Á mynd­inni eru sér­sveit­ar­menn að hlaupa Hlín Ein­ars­dóttur uppi við fiski­trön­urnar í Hafn­ar­firði. Skömmu síðar var Hlín yfir­buguð .

Mynd: Malín Brand

Malín ákvað að nota tím­ann á meðan hún beið til þess að taka myndir í nágrenn­inu. Hún tók mynda­vél­ina sína og fór upp á hæð í grennd­inni. Svo fór hún að mynda fjalla­hring­inn í tærri vor­birt­unni. Þarna var Keilir og Helga­fell í Hafn­ar­firði. Hún gleymdi sér um tíma við að mynda. Skyndi­lega hringdi far­sím­inn hennar. Hún leit á skjá­inn. Þetta var Hlín. „Í sím­anum var systir mín, laf­móð og á barmi tauga­á­falls. Hún var tæp­lega kíló­met­ers fjar­lægð frá mér en ég gat ómögu­lega komið auga á hana í hraun­breið­unni. Hún sagð­ist vera að nálg­ast fiski­trön­urnar. „Malla, ég vil endi­lega tala við þig á meðan svo ég fari ekki yfir um,“ sagði hún.