„Ég fékk kennitöluna mína áðan.“ Þannig byrjar Muhyio Hamad samtalið í þetta sinn og það er mun bjartara yfir honum en síðast þegar hann hitti blaðamann Stundarinnar. Þá var hann bugaður, vonlaus og hafði reynt að svipta sig lífi. Nú hefur hann von, nokkuð sem hann hefur ekki fundið fyrir svo árum skiptir, því honum hefur verið veitt dvalarleyfi á Íslandi.
Stundin rakti sögu Muhiyos í október síðastliðnum. Hann hafði komið hingað til lands einn síns liðs sextán ára gamall, eftir að hafa dvalið í tvö ár í Svíþjóð en verið synjað um dvalarleyfi þar. Til Svíþjóðar komst hann eftir miklar hrakningar. Fyrst fór hann frá Sómalíu til Íran, þaðan fótgangandi yfir fjöllin til Tyrklands og svo frá Tyrklandi til Grikklands. Hann fór með báti yfir Miðjarðarhafið, sem hvolfdi, og var einn fárra sem lifði þá ferð af. Þegar hann loks komst til Svíþjóðar hélt hann að honum væri borgið en þar skjátlaðist honum, því síðan eru liðin nær þrjú ár af óvissu.
Nær langþráðu jafnvægi
Fyrir rúmlega þremur árum, þegar Muhiyo Hamad var fjórtan ára, var honum rænt af liðsmönnum hryðjuverkasamtakanna Alshabab í Sómalíu. Í skítugu húsi langt inni í skógi lenti hann í þjálfunarbúðum hryðjuverkamannanna.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir