Námslánafrumvarp sagt skerða jafnrétti til náms

Frumvarp Illuga Gunn­ars­sonar um heild­ar­end­ur­skoðun á lögum um Lánasjóð íslenskra náms­manna, LÍN, var sam­þykkt á fundi rík­is­stjórn­ar­innar í síð­ustu viku. Verið er að kynna þing­mönnum stjórn­ar­flokk­anna frum­varpið, eða áður en það verður lagt fram á Alþingi. Verði frum­varpið að lögum munu vextir af náms­lánum þre­fald­ast auk þess sem tekju­teng­ing afborg­ana verður afnumin. Á móti kemur að nem­endur munu eiga kost á 65 þús­und króna mán­að­ar­legum náms­styrk.

Óhætt er að segja að frum­varpið hafi sætt tölu­verðri gagn­rýni síð­ustu daga. Þannig ótt­ast Jón Atli Bene­dikts­son, rektor Háskóla Íslands, að frum­varpið skerði jafn­rétti til náms. Drífa Snædal, fram­kvæmda­stjóri Starfs­greina­sam­bands Íslands, telur einnig að breyt­ing­arnar muni draga úr jöfn­uði til náms. Bandalag háskóla­manna, BHM, segir breytt end­ur­greiðslu­fyr­ir­komu­lag valda banda­lag­inu miklum áhyggjum og þá hafi lítið sem ekk­ert sam­ráð verið haft við gerð frum­varps­ins. Jóhann Gunnar Þór­ar­ins­son, for­maður Samtaka íslenskra náms­manna erlendis, SÍNE, hefur einnig sagt að ekk­ert sam­ráð hafi verið við sam­tökin við gerð frum­varps­ins.