Kristján Skúli: Sérhæfð brjóstamiðstöð forsenda þess að fá fleiri lækna heim

Kristján Skúli Ásgeirs­son, brjósta­skurð­læknir og eig­andi Brjósta­mið­stöðv­ar­innar sem fyr­ir­hugað er að starfi í Klíník­inni í Ármúla, segir að sér­hæfð brjósta­mið­stöð sé það umhverfi sem flestir erlendir sér­fræð­ingar vinna í og því sé slík stofnun for­senda þess að fá fleiri brjósta­skurð­lækna til að flytja heim og starfa á Íslandi. Stundin fjall­aði ítar­lega um fyr­ir­hug­aða brjósta­mið­stöð í síð­asta tölu­blaði. Kristján Skúli, sem er þriðj­ungs­eig­andi í Klíník­inni í Ármúla, skrifar grein í Frétta­blaðið í dag í þeim til­gangi að leið­rétta „nokkrar alvar­legar rang­færslur“ sem slegið hafi verið fram um stofnun sér­hæfðrar brjósta­mið­stöðvar á Íslandi. Hann til­greinir hins vegar ekki hver það var sem sló rang­færsl­unum fram. 

Svikinn af Landspítalanum

Kristján Skúli segir að upp­haf­lega hafi staðið til opna sér­hæfða brjósta­mið­stöð á Land­spít­al­anum en þær áætl­anir hafi orðið að engu. Þær breyt­ingar sem hafi átt sér stað í þjón­ust­unni hafi byggst á dæma­lausri vinnu, laun­aðri og ólaun­aðri, en ekki fram­kvæmd á stefnu spít­al­ans í mála­flokknum. Hann seg­ist sjálfur hafa aflað tals­verðra sér­tekna fyrir Land­spít­al­ann, meðal ann­ars með því að fá fjölda fær­eyskra sjúk­linga í aðgerðir á Land­spít­al­ann. „Ég fékk vil­yrði fyrir því að hluta af sér­tekj­unum sem ég afl­aði fyrir spít­al­ann yrði varið í tækja­kaup fyrir þessar sér­hæfðu brjósta­að­gerðir en raunin varð önnur. Sér­tekj­urnar voru not­aðar í tækja­kaup fyrir aðra starf­semi spít­al­ans,“ skrifar hann. 

Þegar Krist­jáni Skúla varð ljóst að Land­spít­al­inn ætl­aði ekki að setja sér­stakt fjár­magn í stofnun sér­hæfðrar brjósta­mið­stöðvar hafi hann ákveðið að stofna Brjósta­mið­stöð­ina í sam­starfi við sér­hæfðan brjóstaröntgen­lækni frá Færeyjum. „Við tveir erum þeir einu sem eigum og komum að rekstri Brjósta­mið­stöðv­ar­innar sem fyr­ir­hugað er að starfi í Klíník­inni Ármúla. Engir fjár­festar koma þar að máli.“

Lífeyrissjóðir ætluðu að leggja til 210 milljónir

Eins og áður segir er ítar­lega fjallað um fyr­ir­ætl­anir Krist­jáns Skúla í síð­asta tölu­blaði Stund­ar­innar. Vitnað er í bréf sem Kristján Skúli sendi Krist­jáni Þór Júl­í­us­syni, heil­brigð­is­ráð­herra, í októ­ber á síð­asta ári. Í bréf­inu segir Kristján Skúli meðal ann­ars að líf­eyr­is­sjóð­irnir hafi ætlað að leggja fyr­ir­tæki Krist­jáns til 210 millj­ónir króna til tækja­kaupa umfram það fjár­magn sem lagt hafði verið í upp­bygg­ingu hús­næð­is­ins að Ármúla 9. „Brjósta­mið­stöðin ehf. þarf ekki að ráð­ast í neinn stofn­kostnað því hús­næðið, fram­kvæmdir og tækja­kaup er nú þegar fjár­magnað og verður greitt til baka í sam­ræmi við nýt­ingu. Húsnæðið sjálft er byggt upp af EVU Consortium ehf. sem leigir út rými fyrir lækn­is­þjón­ustu og sam­komu­lag er við EVU um að hús­næðið verði sér­hannað fyrir Brjósta­mið­stöð að því gefnu að sem fyrst liggi fyrir stað­fest­ing á því að unnt sé að hrinda starf­sem­inni af stað vorið 2015. Jafn­framt hefur Kjöl­festa fjár­fest­ing­ar­sjóður sem er í eigu 12 líf­eyr­is­sjóða tekið til hliðar hluta­fjár­lof­orð sem nemur um 210 m.kr. sem unnt er að nýta í tækja­kaup fyrir Brjósta­mið­stöð.“

Þá fer Kristján Skúli einnig fram á að mið­stöðin fái fjár­muni frá rík­inu til að fram­kvæma aðgerð­irnar á Brjósta­mið­stöð­inni. „Tvær leiðir eru helst færar til þess.