Ólafur Sig­urðs­son, fyrrum kenn­ari við hér­aðs­skól­ann að Núpi, hefur farið fram á að Barna­vernd­ar­stofa rann­saki form­lega ásak­anir Jóns Gnarr um kyn­ferð­is­brot ónafn­greinds kenn­ara við skól­ann. „Ég bað hann Braga [Guð­brands­son for­stjóra Barna­vernd­ar­stofu] um að kanna þetta með til­vísun í orð Jóns Gnarr um kenn­ara­mis­notkun og Bragi ætlar að gera það,“ segir Ólafur í sam­tali við Stundina.

Lýsingar Jóns Gnarr, fyrrum borg­ar­stjóri og núver­andi fram­kvæmda­stjóri dag­skrársviðs 365, á meintri hópnauðgun og barn­a­níði eins kenn­ara hafa vakið mikla athygli. Í for­síðu­við­tali við Frétta­blaðið heldur Jón því fram að ein stúlka, „Lena“, hefði verið fórn­ar­lamb hópnauðg­unnar og einn nem­andi, „Sprelli“, hafi orðið fyrir mis­notkun kenn­ara.

Bragi Guð­brands­son segir í sam­tali við Stundina að hann hafi fengið málið inn á sitt borð en óvíst er hvort málið verið form­lega rann­sakað þar sem það væri hvort sem er fyrnt. Í sam­tali við Stundina segir Jón að bókin sé skáldævi­saga og hún verði að tala sínu máli. Hann seg­ist ekki geta svarað því hvort frá­sögn um mis­notkun sé skálduð.