Fyr­ir­tækið sem Illugi Gunn­ars­son mennta­mála­ráð­herra starf­aði hjá árið 2011 á meðan hann var í leyfi frá störfum á Alþingi frá því í apríl 2010 og þar til í októ­ber 2011 var stofnað þann 8. ágúst 2011 á lög­manns­stof­unni Logos og hét þá ELL 237 ehf. 

Haukur Harð­ar­son,og við­skipta­fé­lagar hans, tóku svo við félag­inu í lok ágúst 2011 og skírðu það Orka Energy Holding ehf.  Rúmum mán­uði síðar sett­ist Illugi Gunn­ars­son aftur á Alþingi þegar það var sett þann 1. októ­ber. Vinna Illuga Gunn­ars­sonar fyrir fyr­ir­tækið hlýtur því að hafa átt sér á milli loka ágúst­mán­aðar 2011 og þar til í byrjun októ­ber 2011. Nema þá að Illugi hafi starfað hjá og fyrir fyr­ir­tækið áður en það var stofnað form­lega.

Störf Illuga Gunn­ars­sonar fyrir Orku Energy hafa tals­vert verið til umræðu í fjöl­miðlum á síð­ustu mán­uðum og dögum. Eins og komið hefur fram var fyr­ir­tækið hluti af við­skipta­sendi­nefnd Illuga Gunn­ars­sonar í opin­berri heim­sókn mennta­mála­ráð­herr­ans til Kína í mars síð­ast­liðnum og var Haukur Harð­ar­son með í þeirri heim­sókn. Í kjöl­far frétta af þeirri þátt­töku Orku Energy í Kína­heim­sókn­inni kom í ljós að Illugi hafði selt Hauki Harð­ar­syni stjórn­ar­for­manni Orku Energy íbúð sína á Rán­ar­götu. Í síð­ustu viku greindi Illugi svo frá því í fyrsta skipti, í við­tali við Frétta­blaðið, að Haukur Harð­ar­son væri einn af hans „nán­ustu vinum“. Illugi hafði þá ekki viljað svara því svo mán­uðum skipti hvaða tengsl hann hafði við Hauk Harð­ar­son.

„Verðmæti eign­ar­hlut­ar­ins umreiknað í íslenskar krónur á gengi í árs­lok er 4.194.805 þús kr.“

Var með 500 þúsund í hlutafé þegar Enex var keypt

Í ágúst 2011, sama mán­uði og fyr­ir­tækið var stofnað, keypti Orka Energy Holding ehf. 49 pró­senta hlut Geysis Green Energy og Orku­veitu Reykja­víkur í fyr­ir­tæk­inu Enex-Kína, sem átti hlut í kín­verska orku­fyr­ir­tæk­inu Shaanxi Green Energy Geothermal Develop­ment, fyrir 15,5 millj­ónir doll­ara, rúm­lega 1,6 millj­arða króna. Enex-Kína var hluti af eignum REI, Reykja­vík Energy Invest, sem svo mikið var í umræð­unni á árunum 2007 og 2008 vegna fyr­ir­hug­aðrar sölu til þekktra fjár­festa. Hitt 51 pró­sentið í Shaanxi Green er í eigu kín­verska orku­fyr­ir­tæk­is­ins Sinopec sem kín­verska ríkið á.

Þessi við­skipti með hluti Geysis Green og Orku­veitu Reykja­víkur í Enex-Kína voru ástæðan fyrir stofnun Orku Energy Holding á þessum tíma og voru langstærstu við­skipti félags­ins á árinu. Orka Energy Holding ehf. var svo, og er, í eigu fyr­ir­tækis í Singapúr sem heitir Orka Energy PTE ltd. Athygli vekur að Orka Energy Holding var ein­ungis með 500 þús­und krónur í hlutafé þegar við­skiptin við Geysi Green og Orku­veitu Reykja­víkur áttu sér stað og voru við­skiptin með Enex-Kína að öllu leyti fjár­mögnuð með lánum.

Fyr­ir­tækið greiddi Geysi Green og Orku­veitu Reykja­víkur svo tæp­lega 700 millj­ónir króna af kaup­verði Enex á árinu 2012 sam­kvæmt árs­reikn­ingum Orku Energy Holding ehf.

Samkvæmt árs­reikn­ingi Orku Energy Holding árið 2012 var eign­har­hlut­ur­inn í kín­verska fyr­ir­tæk­inu met­inn á rúm­lega fjóra millj­arða króna í árs­lok 2012. Tekið skal fram að þá var búið auka við hlutafé fyr­ir­tæk­is­ins um rúma þrjá millj­arða króna. Í árs­reikn­ingi Orku Energy sagði um þetta: „Orka Energy China ehf. á 49% hlut í SGEG. Verðmæti eign­ar­hlut­ar­ins umreiknað í íslenskar krónur á gengi í árs­lok er 4.194.805 þús kr.“ 

Samkvæmt síð­asta árs­reikn­ingi Orku Energy Holding ehf., sem nú heitir Arctic Green Energy Corporation var verð­mæti hlut­ar­ins í kín­verska fyr­ir­tæk­inu tæp­lega 4,8 millj­arðar króna í árs­lok 2014.

„Síðan færir fyr­ir­tæki ein­hvern veg­inn bók­haldið og gengur síðan frá laun­unum til mín, skatt­greiðslum og líf­eyr­is­sjóðs­greiðslum og öðru slíku, strax eftir ára­mótin.“

Breytti vitnisburði sínum

Á síð­ustu dögum hefur Illugi svarað fyrir greiðsl­urnar sem hann fékk frá Orku Energy vegna árs­ins 2011 en Stundin greindi meðal ann­ars frá því að hann hefði fengið þriggja millj­óna lán frá fyr­ir­tæk­inu á árinu 2011 sem útistand­andi var árið 2012. 

Illugi svar­aði fyrir þetta lán í kvöld­fréttum Stöðvar 2 á föstu­dag­inn og stað­festi þá að það hefði verið veitt í formi fyr­ir­gram­greiddra launa. Illugi vildi hins vegar ekki kalla fyr­ir­gram­greiddu launin lán jafn­vel þó upp­hæðin hafi verið stór hluti árs­tekna hans allt árið 2011 sam­kvæmt skatta­upp­lýs­ingum en hann var með 362 þús­und krónur í mán­að­ar­laun. Í við­tal­inu við Stöð 2 fram­vís­aði Illugi launa­seðli sínum fyrir árið 2011 þessu til stað­fest­ingar. Sá sem fær fyr­ir­fram­greidd laun er hins vegar í skuld við þann sem veitir launin og þarf þá annað hvort að vinna upp í launin eða greiða upp­hæð­ina til baka ef hann getur ekki greitt skuld sín til baka með vinnu.

Í við­tali við RÚV á sunnu­dag­inn breytti Illugi svo þessum vitn­is­burði sínum og sagði að ekki hefði verið um fyr­ir­fram­greidd laun að ræða þar sem hann hefði fengið greiðsl­una í des­em­ber 2011, eftir að hafa látið af störfum hjá Orku Energy, og því hefði hann verið búinn að vinna vinn­una sem launin voru greidd fyrir. Svo hefði verið gengið frá launa­greiðsl­unni með form­legum hætti eftir á, í febr­úar 2012 líkt og launa­seð­ill Illuga sýndi fram á. Í við­tali við RÚV sagði hann, aðspurður um af hverju greiðslan hefði verið bók­færð sem fyr­ir­fram­greiðsla: „Vegna þess að ég fæ útborgað í des­em­ber 2011. Síðan færir fyr­ir­tæki ein­hvern veg­inn bók­haldið og gengur síðan frá laun­unum til mín, skatt­greiðslum og líf­eyr­is­sjóðs­greiðslum og öðru slíku, strax eftir ára­mótin.“