Tveir hag­fræð­ingar sem Stundin hefur rætt við furða sig á ummælum for­sæt­is­ráð­herra um að verð­tryggð íslensk króna sé „sterkasti og stöðug­asti“ gjald­mið­ill í heimi. 

Sig­mundur lét orðin falla í við­tali á Bylgj­unni í morgun þegar rætt var um að margir kenndu íslensku krón­unni um háa vexti á Íslandi. „Þá bendi ég á, eins og fleiri hafa nú bent á, að við erum í raun­inni með sterkasta og stöðug­asta gjald­miðil heims sem er verð­tryggða krónan,“ sagði for­sæt­is­ráð­herra. 

Þórólfur Matth­í­as­son, hag­fræði­pró­fessor við Háskóla Íslands, segir ummælin athygl­is­verð. „Er ekki örugg­lega búið að birta þetta á Bloomberg?“ spyr hann og bætir við: „Og er for­sæt­is­ráð­herra ekki líka búinn að skrifa Op-ed grein í Financial Times til að vekja athygli umheims­ins á ónýttum hagn­að­ar­tæki­færum?“