Gunnar Bragi Sveinsson, utanríkisráðherra, gaf munnlega skýrslu um Evrópumál á Alþingi rétt í þessu. Áréttaði hann meðal annars þá skoðun sína að viðræðuferlið við Evrópusambandið væri á enda og verði ekki endurvakið af þessari ríkisstjórn. Þá sagði hann það vera sitt mat að í kjölfar bréfs utanríkisráðherra til Evrópusambandsins þurfi nýja ríkisstjórn og nýja umsókn til þess að hefja aðildarviðræður við Evrópusambandið að nýju. Hins vegar sé það „sambandsins að meta hvernig það bregst við bréfinu.“ Forysta sambandsins geti kosið að hundsa bréfið, en hann efist um að svo verði. Gunnar Bragi segist ekki eiga von á öðru en að Evrópusambandið bregðist við með þeim hætti að verða við óskum ríkisstjórnar Íslands og líta svo á að Ísland sé ekki lengur í hópi umsóknarríkja.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir