Gekk úr Sjálfstæðisflokknum og er nú óháður varabæjarfulltrúi

Karl Pétur Jónsson, aðstoð­ar­maður Þor­steins Víglunds­sonar, félags­mála­ráð­herra og þing­manns Við­reisnar, gegnir enn trún­að­ar­störfum fyrir Sel­tjarn­ar­nesbæ eftir að hafa verið kjör­inn vara­bæj­ar­full­trúi fyrir Sjálf­stæð­is­flokk­inn árið 2014. Hann skráði sig úr Sjálf­stæð­is­flokknum í aðdrag­anda síð­ustu þing­kosn­inga og gekk til liðs við Viðreisn. Í dag er hann óháður vara­bæj­ar­full­trúi á Sel­tjarn­ar­nesi en situr áfram í skóla­nefnd og jafn­réttis­nefnd bæj­ar­ins. „Meiri­hlut­inn á Sel­tjarn­ar­nesi sýndi mér með þessu traust, sem ég er einkar þakk­látur fyrir enda er starfið í þessum nefndum einkar gef­andi og skemmti­legt,“ segir Karl, aðspurður um málið, en Sjálf­stæð­is­flokk­ur­inn hélt meiri­hluta sínum á Sel­tjarn­ar­nesi í síð­ustu bæj­ar­stjórn­ar­kosn­ingum. 

„Ég var kjör­inn vara­bæj­ar­full­trúi fyrir Sjálf­stæð­is­flokk­inn vorið 2014, en gekk úr flokknum síð­ast­liðið haust í aðdrag­anda kosn­inga og gekk til liðs við Viðreisn,“ segir Karl í svari við tölvu­pósti Stund­ar­innar. „Við þau tíma­mót bauðst ég til að gegna áfram skyldum mínum í skóla- og jafn­réttis­nefnd og var því boði tekið af hálfu leið­toga meiri­hlut­ans í bæj­ar­stjórn Sel­tjarn­ar­ness. Ég sit nú sem óháður vara­bæj­ar­full­trúi á Sel­tjarn­ar­nesi og full­trúi í þessum tveimur nefndum og mun gera það út kjör­tíma­bilið.“ Hann segir árangur í skóla­málum á Sel­tjarn­ar­nesi góðan, skól­inn sé í stöðugri fram­för og að honum standi sam­hentur hópur póli­tískra full­trúa, kenn­ara, for­eldra og barna. „Starf jafn­réttis­nefndar er einnig mik­il­vægt, en bær­inn hefur nýlokið við jafn­launa­út­tekt og end­ur­skoðun á jafn­rétt­is­á­ætlun bæj­ar­ins.“