Framsóknarmenn segja hlýnun jarðar „spennandi“ í drögum að ályktunum

Í drögum að álykt­unum á flokks­þingi fram­sókn­ar­manna sem haldið verður um helg­ina kemur fram að flokk­ur­inn fagni fram­lagi inn­flytj­enda til sam­fé­lags­ins, en að mik­il­vægt sé að vinna sér­stak­lega gegn ofbeldi á meðal þeirra. 

Á einum stað í drög­unum er fagnað tæki­færum vegna hlýn­unar jarðar meðan á öðrum stað er tíunduð langvar­andi virð­ing flokks­ins fyrir nátt­úr­unni. Sjálf­stjórn­ar­réttur sveita­fé­laga er sagður horn­steinn skiplags­valds meðan sá réttur er tek­inn af Reyk­vík­ingum í mál­efni flug­vall­ar­ins.

Spennandi hlýnun

Í kafla um land­bún­að­ar­mál er fátt sem kemur raunar á óvart; land­bún­aður er sagður vera mik­il­væga atvinnu­grein og mik­il­vægi vernd­ar­tolla er ítrekað. Fram­sókn­ar­menn er þó spenntir fyrir hlýnun jarðar og öllum þeim tæki­færum sem því fylgir í land­bún­aði. „Með hlýn­andi lofts­lagi skap­ast ný og spenn­andi sókn­ar­færi. Aukin akur­yrkja, nytja­skóg­rækt og fjöl­breytt­ari inn­lend mat­væla­fram­leiðsla er hluti af því að efla íslenskan land­búnað,“ segir í kafl­anum um land­bún­að­ar­mál.

Talið er að hlýnun jarðar kosti hund­ruði þús­unda jarð­ar­búa lífið á hverju ári, eins og fjallað er um hér. Það eru helst fátæk­asta fólk jarðar sem stafar hætta af þró­un­inni.