Fréttir

Föður barnanna vísað úr landi í nótt

Eu­gene verð­ur vís­að úr landi í nótt og því að­skil­inn barn­s­móð­ur sinni Regínu Os­aramaese og börn­un­um þeirra þriggja Fel­ix, Daniel og Precious. Fjöl­skyld­an hef­ur dval­ið á land­inu í þrjú ár og fædd­ust tvö yngstu börn­in hér á landi.

Föður barnanna vísað úr landi í nótt
Aðskilinn börnunum sínum Hér er barnsmóðir Eugene, Regína, ásamt sonum þeirra, Felix og Daniel. Að auki eiga þau dótturina Precious sem fæddist í janúar. Mynd: Heiða Helgadóttir
Birtist upphaflega í Stundinni fyrir 9 árum.

Hinum nígeríska Eugene, barnsföður Regínu Osaramaese, verður vísað úr landi í nótt. Hann hefur þegar verið handtekinn af lögreglu og bíður nú brottflutnings. Gísli Kr. Björnsson, lögmaður fjölskyldunnar, segir ákvörðunina hafa komið sér algjörlega í opna skjöldu. „Það var búið að fresta för Regínu og barnanna og taldi ég að það myndi einnig gilda fyrir Eugene. En það virðist ekki hafa gert það,“ segir Gísli í samtali við Stundina. „Þannig þetta kemur mér mjög á óvart. Ég fékk bara að vita af þessu sjálfur núna fyrir hálftíma.“

„Á morgun mun ég fara fram á það við Útlendingastofnun að Eugene verði sendur til baka.“

Stundin hefur fjallað ítarlega um fjölskylduna undanfarið ár. Eugene og Regina Osaramaese koma bæði frá Nígeríu og flúðu bæði landið vegna ofsókna. Regína hefur ekki komið til Nígeríu síðan hún var sex ára gömul. Fjölskyldan hefur nú verið á Íslandi í þrjú ár og tvö barnanna fæddust á Íslandi. Daníel, elsti sonur þeirra, er rúmlega fjögurra ára gamall, Felix  er rúmlega tveggja ára og sú yngsta, Precious, fæddist í janúar síðastliðnum. Börnin þekkja ekkert annað líf en á Íslandi. 

Gísli segist nú vinna í nýrri beiðni um endurupptöku á málinu sem verði meðal annars byggð á ákvörðun Kærunefndar Útlendingamála um að veita Saad og Fadilu dvalarleyfi hér á landi, en aðstæður þeirra voru sambærilegar Regínu og Eugene. Stundin greindi frá því í gær að Kærunefnd Útlendingamála hafi lagt fyrir Útlendingastofnun að veita Saad og Fadilu, auk tveggja barna þeirra, dvalarleyfi í ljósi aðstæðna þeirra.

„Á morgun mun ég fara fram á það við Útlendingastofnun að Eugene verði sendur til baka, en það á að senda hann fyrst til Stuttgart og þaðan til Nígeríu,“ segir Gísli.

Telur líf sitt í hættu í Nígeríu

Þegar Stundin fjallaði um mál Reginu þann 20. mars á síðasta ári sagðist hún þreytt og buguð vegna stöðugrar óvissu um framtíð barna sinna. „Ég kom hingað í leit að góðu lífi fyrir börnin mín,“ sagði hún. 

Eugene sagði sögu fjölskyldunnar í viðtali við No Borders Iceland í fyrra, en hann hefur ekki treyst sér til að koma fram undir fullu nafni og mynd vegna hótana ofbeldismanna í Nígeríu í sinn garð. „Líf mitt er í hættu í Nígeru. Það er ekki góður kostur. Regina á sér engan að þar, því hún yfirgaf landið svo ung. Ekkert, við höfum ekkert sem bíður okkar í Nígeríu. 

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Erla Björg hættir sem ritstjóri: „Stundum hef ég þurft að minna mig á æðruleysið“
2
Innlent

Erla Björg hætt­ir sem rit­stjóri: „Stund­um hef ég þurft að minna mig á æðru­leys­ið“

Erla Björg Gunn­ars­dótt­ir er hætt sem rit­stjóri á frétta­stofu Sýn­ar. Í færslu á sam­fé­lags­miðl­um seg­ir hún að í ár­anna rás hafi hún unn­ið eins og hún gat með sí­breyti­leg­an far­veg þar sem hún hafi stund­um þurft að minna sig á æðru­leys­ið og hverju hún gæti stjórn­að. „Eft­ir marga slíka hringi kem­ur að þeim tíma­punkti að það er best að kveðja og hleypa nýj­um kröft­um í bar­átt­una.“

Mest lesið í mánuðinum

„Allt í einu koma þessi skrímsli upp úr jörðinni“
5
Innlent

„Allt í einu koma þessi skrímsli upp úr jörð­inni“

Und­ir­skrifta­söfn­un er haf­in til að mó­mæla fram­kvæmd­um í Skafta­felli. Fund­ur um breyt­ing­ar fram­kvæmd­anna var hald­inn um há­sum­ar. „Það dugði til að gera skyldu sína,“ seg­ir íbúi á svæð­inu. Íbú­ar ótt­ast að sam­keppn­is­hæfni muni minnka ef fyr­ir­hug­uð ferða­g­ist­ing rís. „Ég sé ekki ann­að en að þetta auki tekj­ur og at­vinnu á svæð­inu,“ seg­ir Pálm­ar Harð­ar­son, sem stend­ur að fram­kvæmd­inni ásamt Arctic Advent­ur­es.

Mest lesið í mánuðinum

Nýtt efni

Trump ætlar sér að ná Grænlandi: „Við erum stórveldi“
ErlentGrænlandsmálið

Trump ætl­ar sér að ná Græn­landi: „Við er­um stór­veldi“

„Ef það væri ekki fyr­ir okk­ur, vær­uð þið öll að tala þýsku. Og kannski smá japönsku,“ sagði Don­ald Trump, for­seti Banda­ríkj­anna, þeg­ar hann mætti á al­þjóða­efna­hags­ráð­stefn­una í Dav­os. Hann sagði að það hefði ver­ið „heimsku­legt“ að skila Græn­landi eft­ir seinni heims­styrj­öld­ina en hann myndi ekki beita hervaldi til að ná land­inu.
Þingmaður segir Ólaf Ragnar hafa gefið stefnu Viðreisnar falleinkunn
Stjórnmál

Þing­mað­ur seg­ir Ólaf Ragn­ar hafa gef­ið stefnu Við­reisn­ar fall­ein­kunn

Karl Gauti Hjalta­son, þing­mað­ur Mið­flokks­ins, seg­ir að Ólaf­ur Ragn­ar Gríms­son, fyrr­ver­andi for­seti lýð­veld­is­ins, hafi gef­ið ut­an­rík­is­stefnu Við­reisn­ar fall­ein­kunn. For­set­inn fyrr­ver­andi ráð­lagði í gær ís­lensk­um stjórn­völd­um að láta lít­ið fyr­ir sér fara með­an Banda­rík­in reyni að taka yf­ir Græn­land og inn­lima það í sitt land­svæði.

Mest lesið undanfarið ár