Dorrit átti sjálf hlut í aflandsfélögum

Dorrit Moussiaeff, for­seta­frú Íslands, teng­ist minnst fimm banka­reikn­ingum í Sviss í gegnum fjöl­skyldu sína og að minnsta kosti tveimur aflands­fé­lögum. 

Samkvæmt upp­lýs­ingum frá HSBC átti Dorrit hlut á móti fjöl­skyldu sinni í félag­inu Jaywick Properties Inc á Bresku jóm­frú­areyj­unum en var einnig skráð fyrir hlut í Moussaieff Sharon Trust. 

Guardian Í umfjöllun breska mið­ils­ins Guardian kemur fram að Ólafur þurfi að svara fyrir aflandseignir kon­unnar sinnar.

Mynd: Guardian

Til við­bótar benda gögnin til þess að hún hafi átt að erfa hluta aflandseigna for­eldra sinna eftir að 86 ára móðir hennar Alisa félli frá. Reykja­vik Media fjallar um málið í dag, auk Guardian og Südd­eutshe Zeitung. 

Nýverið var Ólafur Ragnar spurður að því í við­tali við CNN hvort eig­in­kona hans ætti aflands­reikn­inga eða hvort eitt­hvað ætti eftir að koma fram um hann og fjöl­skyldu hans.„Nei, nei, nei, nei, nei, það mun ekki koma á dag­inn.“ svar­aði Ólafur Ragnar. 

Aðal­frétt Süddeutsche Zeitung Í umfjöllun þýska blaðs­ins Süddeutsche kemur fram að for­sæt­is­ráð­herra Íslands hafi þurft að segja af sér og nú glími for­set­inn „við vanda­mál vegna aflands­við­skipta“.

Mynd: Süddeutsche Zeitung

Eða hvað?

Í aðal­um­fjöllun vef­út­gáfu Süddeutsche Zeitung er fjallað um ósann­indi for­seta Íslands undir fyr­ir­sögn­inni: „Nei, nei, nei, nei, nei – eða hvað?“

Þar segir: „Forseti Íslands full­yrti að kona hans hefði ekk­ert að gera með aflands­fé­lög. Samt er nú gert opin­bert: For­seta­frúin hafði tengsl við nokkur skúffu­fyr­ir­tæki.“

80 milljónir í Sviss

Raunin er sú að fjöl­skylda Dorritar, þar á meðal systur hennar tvær, áttu reikn­inga með allt að 80 milljón doll­ara inni­stæðum í HSBC bank­anum í Sviss árin 2006 og 2007. Sjálf var Dorrit skráð fyrir hlut í félög­unum sem nefnd eru hér að ofan, en til við­bótar benda gögnin til þess að hún hafi átt að erfa hluta aflandseigna for­eldra sinna. Fram kemur í umfjöllun Reykja­vik Media að Dorrit líti á við­skiptin sem einka­mál og vilji ekki svara spurn­ingum um þau. 

Þá er haft eftir Örnólfi Thors­syni for­seta­rit­ara að for­set­inn hafi enga vit­neskju haft um félögin né heyrt um þau. Eins og bent er á í grein Guardian um málið hefur Ólafur Ragnar rætt á nei­kvæðum nótum um aflands­starf­semi og meðal ann­ars sagt að Íslend­ingar hafi mót­mælt vegna þess að fólk fann fyrir sið­ferði­legri ógeðs­til­finn­ingu (e. moral dis­g­ust) eftir upp­ljóstr­anir um aflands­fé­lög.

Eins og frægt er orðið flutti Dorrit Moussaieff lög­heim­ili sitt til Bret­lands árið 2012.