Græn­lenskur karl­maður á þrí­tugs­aldri, sem situr nú í gæslu­varð­haldi á Litla hrauni vegna gruns um aðild að hvarfi Birnu Brjáns­dóttur, hefur hlotið dóm á Græn­landi fyrir fíkni­efna­mis­ferli. Um er að ræða sama karl­mann og lög­regl­una grunar að hafi ekið rauðri Kia Rio–bíla­leigu­bif­reið aðfara­nótt laug­ar­dags­ins 14.jan­úar, sömu nótt og Birna hvarf spor­laust.

Bif­reiðin sést greini­lega á upp­tökum úr örygg­is­mynda­vélum við Hafn­ar­fjarð­ar­höfn. Upp­tök­urnar eru sagðar þær skýr­ustu sem til eru en þar sá lög­reglan til dæmis bíl­númer bif­reið­ar­innar sem varð til þess að hún lagði hald á rauða Kia Rio í Kópavogi. Bif­reiðin var leigð hjá Bíla­leigu Akur­eyrar.

Lög­reglan telur sig vita hver var undir stýri umrætt kvöld en menn­irnir tveir sjást koma saman á bíla­leigu­bílnum að Hafn­ar­fjarð­ar­höfn um klukkan 6:20 á laug­ar­dags­morgun. Þeir sjást báðir stíga út og ræða saman í nokkra stund fyrir utan rauða Kia Rio-bíla­leigu­bíl­inn áður en annar þeirra fer um borð og hinn ekur í burtu. 

Birna sést aldrei á örygg­is­mynda­vélum við Hafn­ar­fjarð­ar­höfn.

Hefur áður brotið af sér

Samkvæmt heim­ildum Stund­ar­innar var sami maður og lög­reglan telur að hafi verið undir stýri umrædda nótt kærður fyrir kyn­ferð­is­brot. Sú kæra náði hins vegar aldrei svo langt að hún yrði tekin fyrir hjá dóms­stólum í Græn­landi. Dómurinn sem mað­ur­inn fékk í Græn­landi snýr að sölu fíkni­efna sam­kvæmt heim­ildum.

Lög­reglan á höf­uð­borg­ar­svæð­inu fékk þessar upp­lýs­ingar um saka­feril hjá græn­lenskum stjórn­völdum en utan­rík­is­ráðu­neyti Græn­lands hefur unnið náið með íslenskum stjórn­völdum und­an­farna daga.  Græn­lend­ingar eru slegnir yfir hvarfi Birnu og ótt­ast að málið kunni að hafa áhrif á ann­ars gott og far­sælt vin­áttu­sam­band þjóð­anna. 

„Fylgst er náið með mál­inu á Græn­landi og von­ast hér allir til þess að það verði leyst sem fyrst. Hugur og hjörtu Græn­lend­inga eru hjá aðstand­endum Birnu og þeirra sem eiga um sárt að binda vegna máls­ins,“ segir heim­ild­ar­maður Stund­ar­innar sem staddur er í Nuuk á Græn­landi.

Veist þú hver ekur þessum bíl? Lög­reglan á höf­uð­borg­ar­svæð­inu óskar eftir að ná tali af öku­manni hvíta bíls­ins, sem var ekið vestur Óseyr­ar­braut í Hafn­ar­firði laug­ar­dag­inn 14. jan­úar kl. 12.24.

Mynd: Lög­reglan

Aðskilja blóð frá hreinsiefnum

Þá hefur lög­reglan stað­fest að blóð hafi fund­ist í rauðu Kia Rio-bíla­leigu­bif­reið­inni sem skip­verj­inn hafði á leigu. Samkvæmt heim­ildum Stund­ar­innar var reynt að þrífa blóð­blett­inn úr bif­reið­inni áður en henni var skilað en það hafi sést við rann­sókn tækni­deildar lög­reglu. Hreinsi­efni sem var notað í bíla­leigu­bif­reið­inni kom einnig upp við rann­sókn tækni­deild­ar­innar.

Samkvæmt sömu heim­ildum er búið að taka efn­is­bút úr bíla­leigu­bif­reið­inni og senda út til rann­sóknar. Þar mun fara fram svo­kallað aðskilj­un­ar­ferli en þá eru hreinsi­efnin, sem notuð voru í bif­reið­inni, aðskilin blóði svo hægt sé að rann­saka það nánar.

Mikið reynir á björg­un­ar­sveitir Framundan er umfangs­mesta leit björg­un­ar­sveita lands­ins í manna minnum en þá verður leitað á 2.500 fer­kíló­metra­svæði. Hér voru björg­un­ar­sveit­ar­menn á leið til leitar við Hafn­ar­fjarð­ar­höfn, á sama tíma og Polar Nanoq sigldi inn í höfn­ina.

Umfangsmesta leit allra tíma

Björg­un­ar­sveitir Lands­bjargar und­ir­búa eina stærstu og umfangs­mestu leit í manna minnum í fyrra­málið. Þær munu leita að Birnu Brjáns­dóttur á um 2.500 fer­kíló­metra­svæði um helg­ina. Leit­ar­svæðið markast af Borg­ar­firði, Selfossi og Reykja­nesi. Áhersla verður lögð á veg­slóða við Kúagerði. Blaða­maður Stund­ar­innar keyrði umræddan veg­slóða í gær­kvöldi en hann er stór­grýttur og erf­iður yfir­ferðar í þessu færi.

Lög­reglan biður alla þá sem telja sig hafa upp­lýs­ingar um hvarf Birnu að hafa sam­band í síma 444-1000.