Björt Ólafs­dóttir umhverf­is­ráð­herra segir að nú sé nóg komið og það þurfi að loka kis­il­málm­verk­smiðju United Silicon í Helguvík. Þetta kom fram á Facebook síðu ráð­herr­ans í morgun. 

Eldur kom upp í verk­smiðju United Silicon í Helguvík í nótt. Allt  til­tækt slökkvi­lið hjá Bruna­vörnum Suðnesja var kallað á vett­vang eftir að Neyð­ar­lín­unni barst til­kynn­ing af elds­voð­anum um klukkan fjögur í nótt. Eldurinn log­aði á þremur hæðum húss­ins, þar sem starfs­fólk á vöktum allan sóla­hring­inn. Slökkvi­störfum lauk um klukkan sjö í morgun.

Björt nefnir nokkrar ástæður fyrir því að hún vill láta loka verk­smiðj­unni. Í fyrsta lagi þurfi að kanna af hverju íbúar í grennd við hana séu að upp­lifa ein­kenni sem meng­un­ar­mæl­ingar geti ekki útskýrt. „Í öðru lagi þarf að kanna vinnu­að­stæður sér­stak­lega,“ skrifar hún. „Á sam­eig­in­legum fundi fyrir umhverfis og sam­göngu­nefnd lýsti for­stjór­inn því, aðspurður um hugs­an­lega hækkun á Arsen í and­rúms­lofti, að starfs­mennn væru að opna út vegna þess að þeim væri svo heitt. Þess­vegna los­að­ist út mengun beint af gólf­inu sem að væri ekki búin að fara í gegn um reyk­hreinsi­kerfi. Hvað kom­ast þessir sömu starfs­menn í mikla snert­ingu við alls konar óæski­leg efni?“

Í þriðja lagi þurfi að kanna fjár­mögnun. „Það er ljóst á öllu að fyr­ir­tækið þarf fjár­magn. Hverjir eru að bjóða það fram núna? Ég ætla rétt að vona að það séu ekki sam­eig­in­legir sjóðir þeirra sömu lands­manna og ýta á að fyr­ir­tækið loki,“ segir Björt.

Verk­smiðja United Silicon tók til starfa í nóv­em­ber síð­ast­liðnum og hefur starf­semin verið afar umdeild. Íbúar Reykja­nes­bæjar hafa kvartað undan mengun frá verk­smiðj­unni og Umhverf­is­stofnun hefur verið með fyr­ir­tækið í hálf­gerðri gjör­gæslu vegna fjölda frá­vika frá starfs­leyfi. 

Hér má sjá færslu Bjartar í heild: