Árásum á samkynhneigða fjölgaði meira en tvöfalt á þremur mánuðum í kjölfar kosninganna um veru Bretlands í Evrópusambandinu. Áður hefur verið fjallað um aukningu á ofbeldi vegna kynþátta og trúarbragða.
Hatursglæpum gegn lesbíum, hommum, tvíkynhneigðum og transfólki (LGBT) jukust um 147% í júlí, ágúst og september, samanborið við sama tímabil í fyrra, samkvæmt samtökunum Galop, sem berjast gegn ofbeldi í garð LGBT fólks.
Einnig sýna gögn frá lögreglunni mikla aukningu á hatursglæpum gegn fólki af kynþáttum sem eru í minnihluta í landinu, sem og fólki af erlendum uppruna. Galop aðstoðaði 187 LGBT einstaklinga sem höfðu orðið fyrir hatursglæpum á þriggja mánaða tímabili í kjölfar kosninganna, samanborið við 72 einstaklinga á sama tímabili árið 2015. Þessi aukning er hlutfallslega hærri en í hatursglæpum hjá öðrum minnihlutahópum í kjölfar Brexit. 
Rúmlega 3.000 ásakanir um hatursglæpi bárust til bresku lögreglunnar vikuna fyrir og eftir kosningarnar, sem fóru fram þann 23. júní. Er það aukning um 42% á milli ára. Í dag munu bresk yfirvöld gefa út skýrslu um hatursglæpi frá apríl 2015 til apríl 2016, en sagt er að þar verði einnig sérstakur viðauki þar sem fjallað verður um mikla aukningu á glæpum í kjölfar Brexit kosninganna.
Dómar byggja á fórnarlambinu, ekki glæpnum
Nik Noone, framkvæmdarstýra Galop, sagði: „Viðbrögð Bretlands við hatursglæpum eru meðal þeirra bestu í heiminum, en löggjöfin um hatursglæpi er langt frá því að vera fullkomin. Lengstu fangelsisdómana sem hægt er að fella fyrir árásir byggða á fordómum gagnvart samkynhneigðum, transfólki og fötluðum, eru sex mánuðir. Það er aðeins fjórðungurinn af þeim tveimur árum sem er hámarkið fyrir sambærilegar árásir vegna trúarbragða eða kynþátta. Þennan mun þarf að laga.“ Þannig byggja dómar á stöðu fórnarlambsins en ekki glæpnum sem það er beitt. 
David Isaac, formaður nefndar ríkisstjórnarinnar um jöfnuð og mannréttindi, sagði: „Eins og er þá skapar löggjöfin goggunarröð hatursglæpa sem sendir þau skilaboð að sumir hópar eigi meiri rétt á vernd en aðrir. Þetta grefur undan trausti fórnarlambanna gagnvart lögunum - og getur gert það af verkum að glæpirnir eru síður tilkynntir. Við hvetjum því stjórnvöld til þess að taka þessi mál til algjörrar endurskoðunar.“
Fjórir af hverjum fimm sem svöruðu Galop skýrslunni, sem kom út síðasta laugardag, sögðust hafa lent í hatursglæp. Þrátt fyrir það hafði aðeins fjórðungur þeirra tilkynnt síðasta hatursglæp sem þeir urðu fyrir til lögreglu, sem bendir til þess að mikið vanti upp á til að gögnin sem lögregla og yfirvöld hafa undir höndum gefi rétta mynd af ástandinu. Skýrslan, sem byggði á svörum 467 LGBT fólks, sýnir litla ánægju með störf lögreglu þar sem helmingur þeirra sem tilkynntu hatursglæp til lögreglu var ósáttur með útkomuna úr því.
Bresk stjórnmál
Burnham segir ljóst að Rússar hafi skipt sér af Brexit-atkvæðagreiðslunni
Burnham opnar á að Bretland gangi aftur í ESB
Forsætisráðherra Bretlands segist ekki hika við að drepa hundruð þúsunda með kjarnavopnum
Snæbjörn Brynjarsson
Öld fáfræðinnar
Sakar forsætisráðherra Bretlands um lögbrot
Grasrótarbylting í Verkamannaflokknum
Myndband
Athugasemdir