Rósa Björk Brynj­ólfs­dóttir, þing­kona Vinstri grænna, hefur þurft að sitja undir óvægnum og dóna­legum per­sónu­legum árásum, fullum af kven­fyr­ir­litn­ingu, frá and­stæð­ingum þess að Alþingi lög­festi þriðja orku­pakk­ann, reglu­gerð Evr­ópu­sam­bands­ins sem snýr að hluta af lög­gjöf sam­bands­ins á orku­mark­aði. Rósa Björk segir að skila­boð sem hún hafi fengið, bæði beint í tölvu­póstum, í sím­tölum, skila­boðum á sam­fé­lags­miðlum og í kommenta­kerfum byggi á kven­fyr­ir­litn­ingu og til­finn­inga­hita en rökum sé ekki beitt.

Deilur hafa staðið um þriðja orku­pakk­ann um margra mán­aða skeið en sem kunn­ugt er var afgreiðslu þings­á­lykt­un­ar­til­lögu um inn­leið­ingu hans frestað undir þing­lok síð­asta vor, eftir mál­þóf þing­manna Mið­flokks­ins, og sam­komu­lag gert um að þing kæmi saman nú í sumar þar sem málið yrði rætt og afgreitt. Nú líður að því að sum­ar­þing komi saman en sam­kvæmt sam­komu­lagi verður það fimmtu­dag­inn 28. ágúst næst­kom­andi. Ræða á mál tengd orku­pakk­anum á föstu­deg­inum og greiða síðan atkvæði um málið mánu­dag­inn 2. sept­em­ber.