Þingmenn Mið­flokks­ins greiddu í gær atkvæði gegn þings­á­lyktun og laga­frum­varpi þar sem því var slegið föstu að óheim­ilt væri að leggja sæstreng til Íslands nema með sam­þykki Alþingis og að und­an­gengnu heild­stæðu mati á umhverfis-, sam­fé­lags- og efna­hags­legum áhrifum slíkrar teng­ingar. 

„Þetta mál er mest­an­part inni­halds­laus fegr­un­ar­að­gerð til að rétt­læta mál sem stenst enga skoðun,“ sagði Ólafur Ísleifs­son, þing­maður Mið­flokks­ins, um þings­á­lykt­un­ina sem felur í sér breyt­ingu á stefnu stjórn­valda um upp­bygg­ingu flutn­ings­kerfis raf­orku, nýjan tölu­lið þess efnis að ekki verði ráð­ist í teng­ingu raf­orku­kerfis Íslands við raf­orku­kerfi ann­ars lands nema fyrr­nefnd skil­yrði séu upp­fyllt. „Alþingi getur ekki leyft sér að stunda blekk­ingar og þess vegna er hvorki hægt að styðja það mál sem við ræðum né það næsta,“ sagði Sig­mundur Davíð Gunn­laugs­son um málið. Samkvæmt grein­ar­gerð til­lög­unnar er mark­mið hennar að „und­ir­strika að Alþingi …