Björn Ingi Hrafns­son, rit­stjóri Viljans, segir það viða­mikið verk­efni og tíma­frekt að vinda ofan af skatt­rann­sókn og kyrr­setn­ingu eigna sinna vegna hennar. Fjár­hags­vand­ræði hans und­an­farin ár hafi fyrst og fremst stafað af rann­sókn­inni. Þetta kemur fram í færslu sem hann birtir á Facebook í dag, með vísan í umfjöllun Stund­ar­innar um fjár­mál hans og tekjur sem námu 2,9 millj­ónum króna á síð­asta ári sam­kvæmt álagn­inga­skrá rík­is­skatt­stjóra.

„Ganga þarf til samn­inga við lána­drottna, semja um skuldir og gera áætl­anir miðað við breyttar for­sendur,“ skrifar Björn Ingi. „Krafa um nauð­ung­ar­upp­boð, sem Stundin hefur sagt frá, kemur að lang­mestu leyti til af áætl­unum á mig en ekki raun­veru­legri skuld og eru þau mál nú í kæru­með­ferð. Ætti leið­rétt nið­ur­staða úr þeim málum að liggja fyrir á næstu vikum. Lögmaður minn hefur auk­in­heldur lýst því yfir að farið verði fram á það við emb­ætti Rík­is­lög­manns, að mér verði bætt það mikla tjón sem staf­aði af hinni órétt­mætu kyrr­setn­ing­ara­gerð og er það mál í ferli.“

Segir Björn Ingi að hver maður sé sak­laus uns sekt er sönnuð, þótt ekki geri allir fjöl­miðlar mikið með þá reglu. „Í Stund­inni í gær­kvöldi er enn á ný fjallað um per­sónu­leg fjár­mál mín og fjár­hags­vand­ræði, eins og það er orðað á vef blaðs­ins,“ skrifar Björn Ingi. „Eru slíkar fréttir um mig í því blaði orðnar ótelj­andi og sér­stakt rann­sókn­ar­efni út af fyrir sig sú áhersla sem þar er lögð á að setja mín per­sónu­legu mál í nei­kvætt ljós aftur og aftur. Nú eru tólf ár liðin frá því ég hætti afskiptum af stjórn­málum, en af frétta­flutn­ingi Stund­ar­innar að dæma mætti ætla að ég hafi átt sæti í rík­is­stjórn Íslands allan þann tíma.“

Björn Ingi var grun­aður um brot vegna bók­halds og skatt­skila á árunum 2014 til 2017 og kyrr­setti toll­stjóri nær 115 millj­ónir króna af eignum hans vegna máls­ins. Í kjöl­farið tóku við miklar svipt­ingar í störfum hans þegar deilur stóðu um fjöl­miðla­sam­steypu hans, Vef­press­una. Var fyr­ir­tækið tekið til gjald­þrota­skipta eins og annað fyr­ir­tæki í hans eigu, BOS ehf., sem rak veit­inga­stað­inn Argent­ínu. Einnig hafa staðið yfir deilur vegna fjár­fest­ingar hans og eig­in­konu hans í fata­merk­inu JÖR. Á sama tíma­bili lýsti hann því yfir að hann væri geng­inn til liðs við nýstofn­aðan stjórn­mála­flokk Sig­mundar Davíðs Gunn­laugs­sonar, Mið­flokk­inn, eftir að hafa sjálfur ætlað að stofna nýjan flokk, Sam­vinnu­flokk­inn.

Segist Björn Ingi ekki óska neinum að ganga í gegnum hremm­ingar á borð við kyrr­setn­ingu eigna. „Ein­stak­lingur má sín lít­ils gegn kerf­inu við slíkar aðstæður og þótt ég hafi alltaf vitað að sann­leik­ur­inn kæmi fram að lokum, var ömur­legt fyrir mig og fjöl­skyldu mína að þurfa að búa við óvissu og óör­yggi jafn lengi og raun bar vitni,“ skrifar hann. „Ég hef hins vegar leit­ast við að draga lær­dóm af mót­læt­inu, leita inn á við og taka mig í gegn and­lega og lík­am­lega og sækja styrk í trúna. Mæli ég með því við alla þá sem glíma við ein­hverja erf­ið­leika í líf­inu.“