Skýringar Bergþórs og Gunnars Braga á ummælum um Albertínu skiptu ekki máli

Eftir að siða­nefnd komst að þeirri nið­ur­stöðu að ummæli Gunnars Braga og Bergþórs Ólasonar um Albertínu Frið­björgu Elí­as­dóttur og MeToo væru brot á siða­reglum sögð­ust þing­menn­irnir hafa verið að lýsa erf­iðri reynslu, áreitni og „kyn­ferð­is­broti“. „Hvað við­kemur lýsingu BÓ og GBS á sam­skiptum þeirra við Albertínu Friðbjörgu Elíasdóttur, sbr. kafli 2.5., verður ekki séð að lýsingar þeirra á þeim skipti máli við mat á þeim málavöxtum,“ segir for­sætis­nefnd.

Sér­stakir auka­vara­for­setar Alþingis töldu lýs­ingar Bergþórs Ólasonar og Gunnars Braga Sveins­sonar á sam­skiptum þeirra við Albertínu Frið­björgu Elí­as­dóttur ekki skipta máli við mat á því hvort þeir hefðu brotið siða­reglur með ummælum um þing­kon­una.

Á Klaust­urs­upp­tök­unum mátti heyra þing­menn­ina gant­ast með að Albertína hefði reynt að „nauðga“ þeim, ann­ars vegar á herra­kvöldi íþrótta­fé­lags­ins Vestra og hins vegar í sam­komu­hús­inu í Hnífsdal. „Það voru ýmsir sem sögðu ‘take one for the team’ en Beggi var ekki til,“ sagði Sig­mundur Davíð og upp­skar mik­inn hlátur við­staddra.

Eftir að siða­nefnd Alþingis komst að þeirri nið­ur­stöðu að Bergþór og Gunnar Bragi hefðu brotið siða­reglur með ummælum sínum um Albertínu hafa þeir full­yrt, í and­mæla­bréfi til for­sætis­nefndar, að í umræð­unni um Albertínu hafi þeir verið að opna sig í öruggu umhverfi, lýsa erf­iðri reynslu, áreitni og því sem Bergþór kallar „kyn­ferð­is­brot“. 

Sér­stakir auka­vara­for­setar Alþingis, þau Steinunn Þóra Árna­dóttir og Haraldur Bene­dikts­son sem standa að nið­ur­stöðu for­sætis­nefndar, telja að þessi lýs­ing þing­mann­anna á mála­vöxtum skipti ekki máli.

„Lýsing BÓ og GBS á málavöxtum og við­horf þeirra sem þar koma fram verður ekki lögð til grund­vallar við mat á því hvort þeir hafi brotið gegn meg­in­reglum“

„Hvað við­kemur lýsingu BÓ og GBS á sam­skiptum þeirra við Albertínu Friðbjörgu Elíasdóttur, sbr. kafli 2.5., verður ekki séð að lýsingar þeirra á þeim skipti máli við mat á þeim málavöxtum sem raktir voru í afmörkun­ar­bréfum for­sætis­nefndar 15. apríl 2019 og ekki hefur verið hafnað,“ segir í nið­ur­stöðu for­sætis­nefndar. 

„Er það nið­ur­staða for­sætis­nefndar að lýsing BÓ og GBS á málavöxtum og við­horf þeirra sem þar koma fram verður ekki lögð til grund­vallar við mat á því hvort þeir hafi brotið gegn meg­in­reglum um hátterni og háttern­is­skyldum alþing­is­manna sam­kvæmt siða­reglum fyrir alþing­is­menn.“  

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Klausturmálið

Mest lesið

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

6
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár