Fram­kvæmdir eru komnar á fullt í Ing­ólfs­firði vegna und­ir­bún­ings Hval­ár­virkj­unar norður á Ströndum. Unnið er að lag­fær­ingum á vegum vegna fyr­ir­hug­aðra virkj­ana­fram­kvæmda. Ljós­mynd­ari Stund­ar­innar er á staðnum.

Mynd: Heiða Helga­dóttir

Mynd: Heiða Helga­dóttir

Mynd: Heiða Helga­dóttir

Land­eig­endur að Selja­nesi hafa kvartað til Vega­gerð­ar­innar vegna afnota Vest­ur­verks af vegi um Selja­nes­land. Haft er eftir Guðmundi Arn­gríms­syni, afkom­anda land­eig­anda að Selja­nesi, á Vísi.is að það sé „algjör­lega galið  að halda áfram í ljósi þess að það eru mikil áhöld uppi um það hvort þetta hafi farið fram á réttan hátt stjórn­sýslu­lega séð“. 

Minja­stofnun lét stöðva fram­kvæmdir Vest­ur­verks á Ófeigs­fjarð­ar­vegi tíma­bundið í lok júní. Áður en til þess kom hafði Stranda­mað­ur­inn og Dranga­mað­ur­inn Elías Svavar Krist­ins­son staðið í vegi fyrir fram­kvæmd­unum í Ing­ólfs­firði með því að leggj­ast fyrir gröf­una. Í við­tali við Stundina kvaðst Elías hafa orðið reiður, vegna þess sem hann álítur ósvífni virkj­ana­fyr­ir­tæk­is­ins, að hefja fram­kvæmdir strax eftir að ný kæra barst frá land­eig­endum nálægt virkj­ana­svæð­inu. „Ég fór bara undir gröf­una. Það þýðir ekk­ert annað,“ sagði hann.

Fram­kvæmd­irnar eru fyrsti liður í gerð Hval­ár­virkj­unar, sem mun hafa „óveru­leg til tals­vert nei­kvæð“ umhverf­is­á­hrif á svæð­inu, meðal ann­ars þær afleið­ingar að fossar rýrna veru­lega eða hverfa nán­ast. Hafa þær klofið sam­fé­lagið á Ströndum. 

Hófust þær aftur af stað í gær eftir að end­an­legri umsögn um fram­kvæmd­irnar var skilað. Frétta­blaðið hefur eftir land­eig­endum í Selja­nesi að Vest­ur­verk verði ekki leyft að fara vinnu­vélar sínar inn á svæðið; gripið verði til „allra ráða“ til að hindra slíkt. Birna Lár­us­dóttir, upp­lýs­inga­full­trúi Vest­ur­verks, segir á BB.is að dag­ur­inn í dag fari í „und­ir­bún­ing og aðdrætti“ en á morgun verði byrjað „af fullum krafti“.