Þær umbætur sem fengið hafa marga íbúa og sveit­ar­stjórn­ar­menn í Árnes­hreppi til að styðja virkjun Hvalár eru ekki samn­ings­bundnar og þurfa margar hverjar ekki að tengj­ast virkj­un­inni.

Gagn­rýnendur virkj­un­ar­innar eru van­trú­aðir á lof­orð tengd virkj­un­inni og orku­fyr­ir­tækið HS Orka, sem stendur að virkj­un­inni, vill ekki gera samn­ing um það fyr­ir­fram. „Það þarf ekki,“ segir Ásgeir Mar­geirs­son, for­stjóri HS Orku.

Íbúar í Árnes­hreppi binda sumir hverjir miklar vænt­ingar við virkj­un­ina. Þeir vona að virkj­un­inni fylgi bættar vega­sam­göngur, þriggja fasa raf­magn og ljós­leið­ara­teng­ing með háhraða inter­neti.  Að auki hefur verið rætt um að HS Orka fjár­magni hita­veitu og svo klæðn­ingu á skóla­húsi grunn­skól­ans.

Bættar vega­sam­göngur eru hins vegar ekki tengdar virkj­un­inni, ef frá er tal­inn vegur úr Tré­kyllis­vík í Ófeigs­fjörð. Þriggja fasa raf­magn er nú þegar í vinnslu á vegum Orkubús Vest­fjarða, og óljóst er hvernig ljós­leið­ara­væð­ing mun eiga sér stað, þótt ljós­leið­ari fær­ist nær með virkjun. 

Enginn samningur

Ásgeir hjá …