Þing­flokkur Vinstri grænna gerði bæði almennan og efn­is­legan fyr­ir­vara við útlend­inga­frum­varpið sem Þórdís Kolbrún Reyk­fjörð Gylfa­dóttir dóms­mála­ráð­herra lagði fram á Alþingi í vor.

Bjarkey Olsen Gunn­ars­dóttirfor­maður þing­flokks Vinstri grænna

Þetta segir Bjarkey Olsen Gunn­ars­dóttir, for­maður þing­flokks­ins, í sam­tali við Stundina. 

„Við gerðum fyr­ir­vara hvað varðar áform um að „styrkja stoð Dyfl­inn­ar­reglu­gerð­ar­innar“, um máls­með­ferð svo­kall­aðra ber­sýni­lega til­hæfu­lausra umsókna og loks um ákvæði er snúa að fjöl­skyldu­sam­ein­ingu,“ segir hún og vísar til 8. og 10. gr. frum­varps­ins. 

Eins og Stundin fjall­aði um á dög­unum myndi frum­varpið meðal ann­ars veikja rétt­ar­stöðu þeirra hæl­is­leit­enda sem þegar hafa fengið alþjóð­lega vernd í löndum eins og Grikk­landi. Mál tveggja slíkra fjöl­skyldna hafa vakið athygli í fjöl­miðlum und­an­farna daga. 

Andrés Ingi Jónssonþing­maður Vinstri grænna

Mynd: Pressphotos.biz

Andés Ingi Jónsson, þing­maður Vinstri grænna, lagði fram bókun með efn­is­legum athuga­semdum þar sem fram kemur að margt í frum­varp­inu þurfi vand­lega yfir­legu í alls­herjar- og mennta­mála­nefnd, eins og t.d. máls­með­ferð svo­kall­aðra ber­sýni­lega til­hæfu­lausra umsókna og ákvæði sem snúa að fjöl­skyldu­sam­ein­ingum flótta­fólks.

Þá boð­aði hann and­stöðu við ákvæði sem snúa að því að „styrkja stoð Dyfl­inn­ar­reglu­gerð­ar­innar og árétta að henni skuli beitt þegar þess er nokkur kostur“, þ.e. sér­stak­lega 8. gr. í tengslum við frestun rétt­ar­á­hrifa og 10. gr. sem þrengir þann hóp sem hlotið getur efn­is­með­ferð ef sér­stakar ástæður mæla með því. „Hætt er við að með þeim breyt­ingum verði dregið úr mannúð hæl­is­kerf­is­ins í þágu skil­virkni og hag­kvæmni,“ segir í bókun Andrésar.