Snorri Magn­ús­son, for­maður Lands­sam­bands lög­reglu­manna, óskaði eftir aðgangi að lok­uðum Facebook-hópi kvenna til að fylgj­ast með umræðum þeirra og jafn­vel gera þær opin­berar.

Í hópnum, sem heitir „Karlar gera merki­lega hluti“, er hent gaman að frétta­flutn­ingi þar sem körlum er hampað á kostnað kvenna eða ófrétt­næmum gjörðum karl­manna er slegið upp í fyr­ir­sögn. Hópurinn er læstur og svara þarf spurn­ing­unni „Af hverju viltu ger­ast með­limur?“ áður en stjórn­endur hans taka afstöðu til umsókn­ar­innar.

Snorri sótti um aðgang 22. júní síð­ast­lið­inn og svar­aði spurn­ing­unni á þessa leið: „Af því að ég hef mik­inn áhuga á að sjá og lesa og jafn­framt gera opin­bert það sem hér fer fram og hvað hér er um rætt.“

Í umræðum kvenn­anna í hópnum um umsókn Snorra er því velt upp hvað hann ætli sér með upp­lýs­ing­arnar og hvort hann sé í form­legum erinda­gjörðum sem lög­reglu­maður. Talað er um að atvik af þessu tagi séu ekki lík­leg til þess að auka traust kvenna þegar kemur að því að leita sér aðstoðar lög­reglu. Af gefnu til­efni skal tekið fram að Stundin fékk leyfi frá stjórn­endum hóps­ins fyrir því að greina frá því sem þarna er sagt.

Ráðaleysi og uppgjöf í jafnréttismálum lögreglu

Í síð­asta tölu­blaði Stund­ar­innar kom fram að lög­bundin jafn­rétt­is­verk­efni séu van­rækt hjá lög­regl­unni. Vitnað er í nýlega grein Gyðu Mar­grétar Pét­urs­dóttur, dós­ents í kynja­fræði, og Krist­ínar Önnu Hjálm­ars­dóttur kynja­fræð­ings sem birt­ist í tíma­rit­inu Stjórn­mál og stjórn­sýsla, en þar kemur fram að greina megi ráða­leysi og upp­gjöf meðal lyk­il­starfs­fólks lög­reglu í jafn­rétt­is­málum. Lög­reglan á höf­uð­borg­ar­svæð­inu hefur ekki sett sér jafn­rétt­is­á­ætlun og aðgerða­bundna fram­kvæmda­á­ætlun í sam­ræmi við ákvæði jafn­rétt­islaga og ábend­ingar Jafn­rétt­is­stofu. Þá hefur gerð áhættu­mats og heilsu­vernd­ar­á­ætl­unar, sam­kvæmt reglu­gerð um aðgerðir gegn ein­elti og kyn­ferð­is­legri áreitni á vinnu­stöðum, ekki kom­ist til fram­kvæmda innan emb­ætt­is­ins.