Þetta og svo ótal margt fleira er á döf­inni næstu daga og vikur.

Alþjóðleg barnakvikmyndahátíð í Reykjavík

Hvar? Bíó Paradís
Hvenær? Til 14. apríl
Aðgangs­eyrir: 1.000 kr.

Hlutverk barna­kvik­mynda­há­tíð­ar­innar er að bjóða börnum, ung­lingum og fjöl­skyldum þeirra aðgang að áhuga­verðum og vönd­uðum barna- og ung­linga­kvik­myndum víðs vegar að úr heim­inum sem ann­ars eru ekki teknar til sýn­inga á Íslandi. Hátíðin eykur fjöl­breytni í kvik­mynda­flóru fyrir börn, eflir kvik­mynda­læsi barna og ung­linga og gefur allri fjöl­skyld­unni tæki­færi til að fara saman á metn­að­ar­fulla við­burði.

Týnd lykilorð

Hvar? Ásmund­ar­salur
Hvenær? 6.–28. apríl 
Aðgangs­eyrir: Ókeypis

Týnd lyk­il­orð er ný sýn­ing Fritz Hendriks, en hann fjallar í mynd­list sinni meðal ann­ars um þá með­vit­uðu og ómeð­vit­uðu svið­setn­ingu sem ein­kennir lífið, listir og menn­ingu. Fritz fæst einnig við sam­band hefðar, skynj­unar og þekk­ingar í verkum sínum. Hvað vitum við, hvernig vitum við, og hvað er það sem við erum að horfa á?

Frumefni náttúrunnar

Hvar? Ásmund­ar­safn
Hvenær? 6. apríl–10. júní
Aðgangs­eyrir: 1.800 kr.

Verk Bryn­hildar Þor­geirs­dóttur má finna í öllum helstu söfnum lands­ins auk safna í ýmsum löndum austan hafs og vestan, en Frumefni nátt­úr­unnar er nýjasta sýn­ing hennar. Hún hefur hlotið styrki og við­ur­kenn­ingar fyrir verk sín og meðal ann­ars tvisvar fengið úthlutun úr The Pollock- Krasner Foundation. Sérstök sýn­ing­ar­opnun verður haldin 6. apríl kl. 16.00.

Cell7 útgáfutónleikar

Hvar? Húrra
Hvenær? 12. apríl kl. 22.00
Aðgangs­eyrir: 2.000 kr.

Ragna Kjart­ans­dóttir er einn af for­sprökkum rapp­sen­unnar á Íslandi og var hluti af goð­sagna­kenndu hljóm­sveit­inni Subterra­nean. Eftir nokk­urra ára pásu sneri Ragna aftur sem Cell7, en hún fagnar annarri plötu sinni, Is Anybody Listen­ing, á þessum útgáfu­tón­leikum. GDRN kemur einnig fram á þessu kvöldi, en hún vann fern verð­laun á íslensku tón­list­ar­verð­laun­unum í ár, meðal ann­ars poppplötu og popp­lag árs­ins.

Kæra Jelena

Hvar? Borg­ar­leik­húsið
Hvenær? 12. apríl–15. maí
Aðgangs­eyrir: 6.500 kr.

Hópur kraft­mik­illa og sjar­mer­andi nem­enda kemur óvænt í heim­sókn til umsjón­ar­kenn­ara síns með vín og gjafir undir því yfir­skini að óska henni til ham­ingju með afmælið. En fljót­lega komumst við að því að raun­veru­legi til­gang­ur­inn er allt annar og við tekur hrika­leg atburða­rás. Í Kæra Jelena takast á kyn­slóðir í verki sem spyr stórra spurn­inga um sið­ferð­is­leg mörk, ein­stak­lings­hyggju og hug­sjónir.

The Proclaimers

Hvar? Harpa
Hvenær? 15. apríl kl. 20.30
Aðgangs­eyrir: Frá 8.800 kr.

Skosku tví­burarnir í The Proclaimers eru þekkt­astir fyrir að vera reiðu­búnir til að þramma sam­tals þús­und mílur, en þeir þurfa aðeins að ganga 852 til að spila sína fyrstu tón­leika í Reykja­vík. Ekki er vitað hvað þeir gera við þessar auka 148 mílur, en á þessum tón­leikum munu þeir spila valin lög úr 30 ára ferli sínum, en það má fast­lega búast við því að þeir segi sög­una aftur af þessum þús­und mílum.