Skipu­leggj­endur lofts­lags­verk­falls­ins á Íslandi segja að í sumum grunn­skólum hafi starfs­fólk beitt sér gegn því að börn og ung­lingar tækju þátt, meðal ann­ars með því að „múta börn­unum með pizzu ef þau færu ekki“.

Þetta kemur fram í yfir­lýs­ingu frá Lands­sam­tökum íslenskra stúd­enta en und­an­farnar vikur hafa ung­menni farið í verk­fall klukkan 12 til 13 á föstu­dögum til að mót­mæla aðgerða­leysi stjórn­valda og fyr­ir­tækja í stríð­inu gegn lofts­lags­breyt­ingum.

Greta ThunbergSænski ung­ling­ur­inn er með munn­inn fyrir neðan nefið og hefur komið af stað mót­mæla­öldu ungs fólks gegn aðgerða­leysi rík­is­stjórna og fyr­ir­tækja í lofts­lags­málum.

Mynd: Wikimedia

Verk­fallið er hluti af alþjóð­legri öldu sem hin sænska Greta Thunberg kom af stað, en slag­kraftur aðgerð­anna hefur auk­ist stig af stigi und­an­farnar vikur og náði hámarki síð­asta föstu­dag þegar um 2,5 millj­ónir tóku þátt og mót­mæltu í meira en 100 löndum.

Í yfir­lýs­ing­unni frá skipu­leggj­endum aðgerð­anna eru „við­brögð sumra skóla“ hörmuð. „Það er skilj­an­legt að ein­hverjir skólar vilji ekki hvetja til skróps en það er allt annað að taka beina afstöðu gegn göng­unni með því að múta börn­unum til að verða eftir. Það er eitt að börn fái skróp í kladd­ann ef þau eru fjar­ver­andi (eins og venjan er) en annað að hóta, múta eða gera lítið úr börn­unum sem velja að ger­ast virkir borg­arar og láta sig varða stærsta og alvar­leg­asta vanda­mál sam­tím­ans.“

Telja skipu­leggj­end­urnir að miklu skyn­sam­legra væri ef skól­arnir gripu tæki­færið og styddu við lýð­ræð­is­lega þátt­töku barna, annað hvort með því að ræða um verk­fallið eða mæta saman á það. „Jafnvel má telja það sem svo að þátt­taka í lofts­lags­verk­falli falli undir nán­ast alla grunn­þætti aðal­námskrár grunn­skól­anna, en þeir eru: læsi, sjálf­bærni, heil­brigði og vel­ferð, lýð­ræði og mann­rétt­indi, jafn­rétti og sköpun.“ 

Bent er á að það þurfi kjark til að vera grunn­skóla­nemi og kjósa að skrópa í skóla til þess að geta tekið þátt í bar­átt­unni fyrir tryggri og bjartri fram­tíð. „Með þessu móti sýna þau sam­fé­lags­lega með­vit­und og ábyrgð, sem er einmitt tákn um það að skól­unum hefur tek­ist vel til í að mennta ein­stak­linga sem gera sér grein fyrir sínum þætti í sam­fé­lag­inu og vilja láta til sín taka í því að skapa betri heim. Þau börn sem hafa tekið af skarið og mætt á lofts­lags­verk­fallið og sýnt þar með að þau gera sér grein fyrir alvar­leika máls­ins eiga hrós skilið.“