Karl Gauti og Ólafur ganga í Miðflokkinn - nú stærstur í stjórnarandstöðu

Karl Gauti Hjalta­son og Ólafur Ísleifs­son, sem reknir voru úr Flokki fólks­ins í kjöl­far Klaust­urs­máls­ins, hafa gengið til liðs við Mið­flokk­inn. Þetta kemur fram í til­kynn­ingu sem þeir hafa sent frá sér. Mið­flokk­ur­inn er nú orð­inn stærsti flokk­ur­inn í stjórn­ar­and­stöðu með níu þing­menn.

„Á vett­vangi Mið­flokks­ins teljum við okkur geta náð betri árangri í bar­áttu­málum okkar og styrkt mál­efna­stöðu flokks­ins. Við höfum sam­eig­in­lega sýn á sjálf­stæði og full­veldi þjóð­ar­innar, yfir­ráð hennar á auð­lindum sínum og mik­il­vægi vest­rænnar sam­vinnu,“ segir í til­kynn­ingu þing­mann­anna. „Við teljum að á vett­vangi Mið­flokks­ins styrkjum við stöðu okkar á Alþingi til að knýja á um fram­gang þeirra mál­efna, sem kjós­endur treystu okkur fyrir í síð­ustu alþing­is­kosn­ingum.“

Þing­menn­irnir segja áherslur sínar snúa að ein­dregnum stuðn­ingi við lág­launa­fólk og þá sem standa höllum fæti í íslensku sam­fé­lagi og þar eigi þeir sam­leið með Mið­flokknum. „Við erum sam­mála um nauð­syn þess að leið­rétta kjör hinna lægst laun­uðu og skapa öldruðum og öryrkjum tæki­færi til að bæta hag sinn með auk­inni vinnu án skerð­ingar almanna­trygg­inga­bóta,“ segja þeir. „Við erum sam­mála um áherslur í mál­efnum hins sístækk­andi hóps aldr­aðra sem geti notið ævi­kvölds­ins á heim­ili sínu eins lengi og unnt er, með öruggu fram­boði hjúkr­un­ar­rýma þegar nauð­syn knýr á um slík úrræði.“

Voru beðnir að skipta í nóvember

Sig­mundur Davíð Gunn­laugs­son, Bergþór Ólason, Gunnar Bragi Sveins­son og Anna Kolbrún Árna­dóttir, þing­menn Mið­flokks­ins, hittu þing­menn­ina á Klaustri bar 20. nóv­em­ber 2018. Þau skjöll­uðu Ólaf og Karl Gauta og lögðu hart að þeim að skipta yfir í Mið­flokk­inn. Sam­skiptin náð­ust á hljóð­upp­töku.

Fóru þing­menn Mið­flokks­ins hörðum orðum um Ingu Sæland, for­mann Flokks fólks­ins. Athygli vekur að Ólafur Ísleifs­son og Karl Gauti komu Ingu nær ekk­ert til varnar en hlust­uðu þöglir á þing­menn Mið­flokks­ins úthúða henni. „Hún vill vel,“ sagði Ólafur Ísleifs­son í eitt skiptið en að öðru leyti tók hann undir með Karli Gauta um að hún væri ófær um að gegna for­mennsku í Flokki fólks­ins.

„Hún getur þetta ekki. Hún getur talað um þetta, hún getur grenjað um þetta, en hún getur ekki stjórnað,“ sagði Karl.

Sögðu ekki á dagskrá að skipta um flokk 

Stundin hafði sam­band við Karl Gauta Hjalta­son og Ólaf Ísleifs­son. „Ég kem af fjöllum,“ sagði Karl þegar Stundin spurði hvort komið hefði til álita að hann og Ólafur skiptu um flokk. „Nei nei alls ekki, aldrei heyrt þetta.“

Ólafur Ísleifs­son sagði að aldrei hefði komið til álita að sam­eina Mið­flokk­inn og Flokk fólks­ins. Þegar Stundin spurði hvort hann hefði ein­hvern tím­ann rætt við full­trúa úr Mið­flokknum um að skipta yfir í þeirra þing­flokk, vildi Ólafur ekki neita því beint.

„Það er oft sagt við mann úr ýmsum flokkum hvort maður ætli ekki að koma yfir. Það er algengt í þing­inu. Við svörum alltaf því að svona til­boð séu gagn­kvæm. Við erum líka að reyna að fá mann­skap yfir til okkar. Þetta er oft í hálf­kær­ingi, þú heyrir það, svona komment fljúga.“

Aðspurður hvort hann yrði þá áfram í Flokki fólks­ins sagði hann að ekk­ert annað væri á dag­skrá. „Við erum með upp­brettar ermar og fullar hendur og ærin verk­efni fyrir það fólk sem sendi okkur þarna inn,“ segir hann. „Er ekki bara þannig að við ættum að bjóða Mið­flokknum og Fram­sókn­ar­flokknum og Sjálf­stæð­is­flokknum að sam­ein­ast undir for­ystu Flokks fólks­ins? Þetta eru nú hinir svona borg­ara­lega sinn­uðu flokkar. Er þetta ekki málið?“