Varaformaður Flokks fólksins með sorg í hjarta vegna „skelfilegra“ ummæla

Þingmenn Flokks fólks­ins sátu fund með þing­mönnum Mið­flokks­ins þar sem Inga Sæland var kölluð „klikkuð kunta“ og sögð „grenja“. Guðmundi Inga Krist­ins­syni, vara­for­manni, er brugðið yfir ummæl­unum. Hann segir sam­flokks­menn sína þurfa að svara fyrir fund­inn og það sem þar fór fram á þing­flokks­fundi.

Ég er með sorg í hjarta yfir því að það skuli vera hægt að, í fyrsta lagi hugsa svona og í öðru lagi að tala svona,“ segir Guð­mundur Ingi Krist­ins­son, vara­for­maður Flokks fólks­ins, í sam­tali við Stundina. Bergþór Ólason, þing­maður Mið­flokks­ins, kallar Ingu Sæland, for­mann Flokks fólks­ins „húrr­andi klikk­aða kuntu“ á hljóð­upp­töku sem Stundin hefur undir höndum.

„Hún er fokk­ing tryllt,“ sagði Bergþór við Karl Gauta Hjalta­son og Ólaf Ísleifs­son, þing­menn Flokks fólks­ins, í við­ur­vist flokks­fé­laga sinna, Sig­mundar Davíðs Gunn­laugs­sonar, Önnu Kol­brúnar Árna­dóttur og Gunnars Braga Sveins­sonar á Klaustur bar 20. nóv­em­ber síð­ast­lið­inn.

Guð­mundur Ingi segir að þarna hafi greini­lega eitt­hvað verið „í gangi sem er mjög und­ar­legt og þarfn­ast skoð­unar við.“ Hann segir ummælin hreint „skelfi­leg“ og er ekki síður brugðið yfir því að sam­flokks­menn Ingu Sæland í Flokki fólks­ins, þeir Karl Gauti Hjalta­son og Ólafur Ísleifs­son, hafi ekki tekið til varna fyrir Ingu þegar þing­maður Mið­flokks­ins tal­aði með þessum hætti um hana.

„Það er líka bara skelfi­legt að aðrir skuli ekki hafa bent honum á að þetta eru ekki við­eig­andi ummæli hvar sem er. Þetta eru bara óvið­eig­andi ummæli algjör­lega.“ Á þessum sama fundi sagði annar þing­manna Flokks fólks­ins, að Inga Sæland gæti ekki stjórnað.

„Hún getur þetta ekki“

„Ólafur er örugg­lega sam­mála mér að Inga Sæland getur þetta ekki,“ sagði Karl Gauti Hjalta­son, þing­maður Flokks fólks­ins, á sama fundi með Ólafi Ísleifs­syni flokks­fé­laga sínum og fjórum þing­mönnum Mið­flokks­ins. „Hún getur þetta ekki. Hún getur talað um þetta, hún getur grenjað um þetta, en hún getur ekki stjórnað,“ sagði Karl.

„Þetta er auð­vitað eitt­hvað sem þeir þurfa að svara fyrir, þeir eru á staðnum, þeir eru með þeim, og þetta eru hlutir sem þeir verða bara að svara fyrir á næsta þing­flokks­fundi eða stjórn­ar­fundi eða hvernig sem það verður gert,“ segir Guð­mundur Ingi sem ítrekar að hann beri sjálfur fullt traust til for­manns flokks­ins.

Aðspurður hvort hann hafi orðið var við klofn­ing innan flokks­ins á síð­ustu miss­erum eða hvort þing­menn­irnir tveir hafi verið í ein­hverju sam­kurli við þing­menn Mið­flokks­ins segir hann: „Veistu, ég ætla ekki að tjá mig um þetta núna. Nú þarf ég að fara og velta fyrir mér hvernig hlut­irnir hafa verið und­an­farið en síðan mun ég svara fljót­lega, eða um leið og ég er búinn að kynna mér málið til hlýtar.“

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Klausturmálið

Mest lesið

1
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár