Þessi grein birtist upphaflega í Stundinni fyrir meira en 5 árum.

Ríkisforstjóri ákvarðar laun annars ríkisforstjóra

Forstjóri Íslandspósts er stjórnarformaður Isavia og í starfskjaranefnd fyrirtækisins sem gerir tillögu um launakjör forstjóra og framkvæmdastjóra dótturfélaga þess. Gríðarlegt launaskrið hefur átt sér stað eftir að lög um brottfall kjararáðs tóku gildi og ákvörðunarvaldið um laun stjórnenda var flutt til stjórna.

14. febrúar 2019 · 17:30

Jóhann Páll Jóhannsson

ritstjorn@heimildin.is

Ingimundur Sigurpálsson, forstjóri Íslandspósts, leikur lykilhlutverk í ákvarðanatöku um launakjör annars ríkisforstjóra í ljósi þess að hann er stjórnarformaður Isavia og einn tveggja í starfskjaranefnd fyrirtækisins. Gríðarlegt launaskrið hefur átt sér stað hjá ríkisforstjórum eftir að ákvörðun launa var flutt frá kjararáði til stjórna fyrirtækjanna.

Ingimundur hefur starfað sem forstjóri Íslandspósts frá árinu 2004 og var skipaður stjórnarformaður Isavia af Bjarna Benediktssyni fjármálaráðherra árið 2014. Á tímabilinu 2014 til 2017 hækkuðu forstjóralaun Ingimundar hjá Íslandspósti úr 1.186.320 krónum á mánuði 1.435.941 krónur samkvæmt ákvörðunum kjararáðs. Á sama tíma hækkaði kjararáð launin hjá forstjóra Isavia úr 1.436.937 krónum upp í 1.747.891. Lögin um brottfall kjararáðs tóku svo gildi þann 1. júlí 2017.

Hjá Isavia, þar sem Ingimundur gegnir stjórnarformennsku, er sérstakri starfskjaranefnd falið að undirbúa tillögu til aðalfundar fyrirtækisins um starfskjör stjórnarmanna og viðmið fyrir laun og önnur starfskjör forstjóra sem og framkvæmdastjóra dótturfélaga. Í starfskjaranefndinni sitja einungis Ingimundur sjálfur og Margrét Guðmundsdóttir varaformaður stjórnarinnar.

Þegar ákvörðunarvald launa færðist til stjórna í stað kjararáðs hækkuðu laun forstjóra Isavia úr 1.747.891 krónum upp í 2.380.000 krónur, eða um 36 prósent. Hjá Íslandspósti hækkuðu forstjóralaunin einnig umtalsvert, úr 1.435.941 krónum upp í 1.795.00 krónur eða um 25 prósent.

Spyrja hvort tilmælin hafi skolast eitthvað til

Bjarni Benediktsson, fjármálaráðherra, sendi stjórnum ríkisfyrirtækja bréf í fyrradag þar sem óskað var eftir því að þær greindu fjármála-og efnahagsráðuneytinu frá því hvernig stjórnarmenn hefðu brugðist við tilmælum frá 2017 um að gæta skyldi varkárni við launaákvarðanir.

Félag atvinnurekenda birtir færslu á Facebook þar sem því er velt upp hvort tilmælin hafi eitthvað skolast til á leiðinni úr ráðuneytinu og til stjórnar Íslandspósts: „Laun forstjórans hækkuðu um 25% á árinu 2017 við það að ákvörðun um laun hans færðist frá kjararáði til stjórnar Íslandspósts. Stjórnin hækkaði sín eigin laun í febrúar 2018 um 18%. Allt þetta gerist á sama tíma og Íslandspóstur stefnir í þrot.“

Bent er á að varaformaður stjórnar Íslandspósts er Svanhildur Hólm Valsdóttir. aðstoðarmaður Bjarna Benediktssonar. Fréttablaðið greindi nýlega frá því að til ósættis hefði komið um launakjör forstjóra Íslandspósts á stjórnarfundi í janúar 2018 þar sem Ingimundur hefði lagði fram bókun um að hann teldi að afgreiðsla stjórnar á fjárhæð launagreiðslna væri ekki í samræmi við ákvæði ráðningarsamnings. Þann 23. febrúar 2018 lagði svo stjórn Íslandspósts til að laun stjórnarmanna yrðu hækkuð úr 140 þúsund krónum á mánuði í 165 þúsund krónur. Á þessum tíma var þegar orðið ljóst að fyrirtækið glímdi við alvarlegan lausafjárvanda og nokkrum mánuðum síðar fór Íslandspóstur fram á neyðarlán frá ríkinu.

Eftir því sem Stundin kemst næst er Ingimundur Sigurpálsson eini ríkisforstjórinn sem kemur með jafn afgerandi hætti að ákvarðanatöku um laun annars ríkisforstjóra. Samkvæmt tilmælunum frá 2017 ber stjórnum að sýna varkárni við launaákvarðanir og gæta þess að „laun séu hækkuð með reglubundnum hætti til samræmis við almenna launaþróun“. Talsvert launaskrið hefur átt sér stað undanfarin ár og má leiða að því rök að forstjóri eins ríkisfyrirtækis hafi óbeina hagsmuni af því að forstjóri þess næsta hækki duglega í launum.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Kjaramál

Fréttir

Stefán Ólafsson um nýja kjarasamninga: „það er veðmál í þessu“

Í sextánda þætti Pressu mættu Anna Hrefna Ingimundardóttir, aðstoðarframkvæmdastjóri Samtaka atvinnulífsins, og Stefán Ólafsson, sérfræðingur hjá Eflingu – stéttarfélagi, til þess að ræða nýju kjarasamninganna. Í viðtalinu viðurkenndi Stefán að samningurinn væri í raun nokkurs konar veðmál, þar sem vonir væru bundnar við hjöðnun verðbólgu til þess að skila launafólki ásættanlegum kjarabótum.

FréttirKjaramál

Samtök atvinnulífsins kjósa um verkbann á félagsmenn VR

Stjórn Samtaka atvinnulífsins hefur samþykkt einróma að halda atkvæðagreiðslu um hugsanlegt verkbann á félagsmenn VR. Í tilkynningu frá Samtökum atvinnulífsins sem birtist fyrir skömmu segir að verði verkbannið samþykkt mun það ná til alls skrifstofufólks með aðild að VR. Um er ræða viðbragð við verkfallsaðgerðum sem VR hefur boðað meðal starfsmanna í fargþega- og hleðsluþjónustu hjá Icelandair

FréttirKjaramál

Ókeypis skólamáltíðir í Reykjavík munu kosta 1,7 milljarð króna á ári

Eitt umfangsmesta verkefnið sem fólgið er í aðgerðapakka ríkisins og sveitarfélaga til að liðka fyrir gerð kjarasamninga, er að tryggja gjaldfrjálsar skólamáltíðir í grunnskólum. Talsmaður Sambands íslenskra sveitarfélaga segir að öll börn, óháð því hvort þau voru skráð í mat fyrir breytingarnar muni fá fríar skólamáltíðir. Ekki liggur fyrir hvernig verkefnið verður útfært í skólum sem hafa útvistað matarþjónustu sinni.

FréttirKjaramál

Sjálfstæðismenn í Hafnarfirði hika við að samþykkja ókeypis skólamáltíðir

Gert var hlé á bæjarráðsfundi í Hafnarfirði þegar jafnaðarmenn vildu fallast á forsendur kjarasamninga. Oddviti Samfylkingarinnar segir forystumenn Sjálfstæðisflokksins víða um land vera í eins konar krossferð gegn því að ná sáttum um skynsamlega samninga.

FréttirKjaramál

Samninganefnd VR samþykkir atkvæðagreiðslu um verkfall

Samninganefnd VR samþykkti í gær að halda atkvæðagreiðslu um verkföll meðal flugvallarstarfsmanna sem starfa á Keflavíkurflugvelli. Um er að ræða um 150 starfsmenn sem starfa allir fyrir Icelandair og sinna meðal annars innritun, töskumóttöku, brottförum og þjónustu vegna týnds farangurs. Atkvæðagreiðslan fer fram á mánudaginn eftir helgi og verði vinnustöðvun samþykkt er gert ráð fyrir að verkföll hefjist 22. mars.

FréttirKjaramál

Tæplega helmingur launafólks á í fjárhagslegum erfiðleikum

Samkvæmt nýrri könnun Vörðu – Rannsóknarstofnunar vinnumarkaðarins á 40 prósent launafólks erfitt með að ná endum saman. Skýrslan, sem kynnt var á fundi í Þjóðmenningarhúsinu í dag, leiðir ljós að kjör tiltekinna hópa samfélagsins hafi versnað umtalsvert milli ára. Tæplega fjórðungur einhleypra foreldra býr við efnislegan skort og fjárhagsstaða kvenna er verri en á karla á öllum heildarmælikvörðum rannsóknarinnar. Þá mælist staða innflytjenda verri í samanburði við innfædda Íslendinga fjórða árið í röð.

Mest lesið

Fréttir

Snörp orðaskipti í réttarsal: „Þú hefur ekki orðið!“

Annar dagur aðalmeðferðar í manndrápsmáli gegn hjúkrunarfræðingi fór fram í Héraðsdómi Reykjavíkur í dag. Þar áttu sér stað snörp orðaskipti á milli dómara og lögmanns þegar nýjar upplýsingar komu upp. Málið hefur verið lagt í dóm í annað skiptið í héraði.

FréttirÁ vettvangi

Tugir sjúklinga dvöldu á bráðamóttökunni lengur en í 100 klukkustundir

Vegna plássleysis á legudeildum Landspítalans er bráðamóttakan oft yfirfull og því þurftu 69 sjúklingar að dvelja á bráðamóttökunni lengur en í 100 klukkustundir í september og október. Þetta kemur fram í þáttaröðinni Á vettvangi sem Jóhannes Kr. Kristjánsson vinnur fyrir Heimildina. Í fjóra mánuði hefur hann verið á vettvangi bráðamótttökunnar og þar öðlast einstaka innsýni í starfsemina, þar sem líf og heilsa fólks er undir.

Viðtal

Mataræði er vanræktur þáttur í svefnvanda

Góður svefn er seint ofmetinn en vandamál tengd svefni eru algeng á Vesturlöndum. Talið er að um 30 prósent Íslendinga sofi of lítið og fái ekki endurnærandi svefn. Ónógur svefn hefur áhrif á daglegt líf fólks og lífsgæði. Svefn er flókið fyrirbæri og margt sem getur haft áhrif á gæði hans, má þar nefna líkamlega og andlega sjúkdóma, breytingaskeið, álag, kvíða, skort á hreyfingu og áhrif samfélagsmiðla á svefngæði. Áhrif næringar og neyslu ákveðinna fæðutegunda á svefn hafa hins vegar ekki vakið athygli þar til nýlega.

Fréttir

Hársbreidd frá tveggja flokka meirihluta

Samfylkingu og Viðreisn vantar eitt þingsæti til viðbótar til að ná að mynda meirihluta í þinginu, miðað við nýja skoðanakönnun Maskínu. Flokkarnir bæta báðir við sig á milli kannana og mælast með yfir 20 prósenta fylgi. Sósíalistar mælast stærri en Sjálfstæðisflokkur í einu kjördæmi.

Fréttir

Sigurður Ingi lýsir erfiðu samstarfi við Sjálfstæðisflokkinn

Sigurður Ingi Jóhannsson segir að Sjálfstæðisflokkurinn sé stjórnlaus, þar hafi menn gert það sem þeim datt í hug og komist upp með það. „Þannig var það,“ segir Svandís Svavarsdóttir.

Vettvangur

„Viljum ekki að Harpa verði umferðarmiðstöð“

Það hefur verið umdeild ákvörðun hjá húsinu að láta gesti borga fyrir heimsókn á salernin í Hörpu. En fólk heimsækir húsið af ýmsum ástæðum. Greinarhöfundur spáir í lífið í húsinu og ræðir jafnframt við Hildi Ottesen Hauksdóttur, markaðs- og kynningarstjóra Hörpu.

Mest lesið

Mest lesið í vikunni

Viðtal

„Hann sagðist ekki geta meir“

„Ég gat ekki bjargað barnabarninu mínu. En ef það verður til þess að ég geti kannski bjargað einhverjum, þó ekki nema einu barni, þá vil ég segja sögu okkar,“ segir Þórhildur Helga Þorleifsdóttir kennsluráðgjafi. Sonarsonur hennar, Patrekur Jóhann Kjartansson Eberl, fannst látinn miðvikudaginn 12. maí 2021, aðeins fimmtán ára gamall. Hann hafði svipt sig lífi.

Fréttir

Þórdís Kolbrún afskrifaði Gunnar Smára á opnum fundi

Gunnar Smári Egilsson, frambjóðandi Sósíalista, segir mestu ógn Íslendinga vera að styðja Úkraínumenn gegn innrás Rússa og fullyrðir að „vel mætti enda stríðið“. Þórdís Kolbrún Reykfjörð Gylfadóttir brást illa við hugmyndum hans.

ViðtalFormannaviðtöl

Síðasta tilraun Ingu Sæland

Flokkur fólksins var stofnaður til að útrýma fátækt á Íslandi, sem Inga Sæland, formaður flokksins, þekkir af eigin raun. Hún boðar nýtt húsnæðiskerfi með fyrirsjáanleika og niðurskurð í öllu því sem heita aðgerðir gegn loftslagsbreytingum. Grænasta land í heimi eigi að nota peningana í heilbrigðiskerfi og aðra innviði sem standi á brauðfótum.

Myndband

Almar les upp úr nýrri bók

Almar Steinn Atlason varð þjóðþekktur árið 2015 sem Almar í kassanum eftir að hann dvaldi nakinn í heila viku inni í glerkassa í Listaháskólanum. Hann var að senda frá sér skáldsöguna Mold er mold - Litla systir mín fjöldamorðinginn. Hann les upp úr bókinni í beinu streymi sem hefst um klukkan 18 í dag.

Fréttir

Svanhildur Hólm með áberandi minnsta reynslu af utanríkismálum

Ljóst er að Svanhildur Hólm, sendiherra í Bandaríkjunum, sker sig úr hópi kollega sinna frá Norðurlöndunum hvað varðar takmarkaða reynslu á vettvangi utanríkismála. Stjórnskipunar- og eftirlitsnefnd bíður enn svara frá utanríkisráðuneytinu um vinnubrögð ráðherra við skipun á sendiherrum í Bandaríkjunum og Ítalíu.

Fréttir

Harmleikur á deild 33A

Steina Árnadóttir sat aftur í réttarsal í dag vegna ákæru um að hafa orðið sjúklingi á geðdeild að bana. Samstarfskonur hennar voru viðstaddar þegar konan dó, og lýsa aðstæðum með afar ólíkum hætti en Steina. Ein þeirra er með áfallastreitu og atvikið hefur haft víðtæk áhrif á líf hennar.

Mest lesið í mánuðinum

Afhjúpun

Leyniupptaka lýsir vinargreiða og hrossakaupum Bjarna og Jóns

Sonur og viðskiptafélagi Jóns Gunnarssonar þingmanns fullyrðir í upptökum sem teknar voru af manni sem sagðist vera fjárfestir að Jón hafi samþykkt beiðni Bjarna Benediktssonar um að þiggja sæti á lista gegn því að Jón komist í aðstöðu til veita veiðileyfi til Hvals hf. Það verði arfleifð Jóns að tryggja Kristjáni Loftssyni nánum vini sínum leyfið. Það sé hins vegar eitthvað sem eigi að fara leynt.

Viðtal

Missti son sinn í eldsvoða á Stuðlum

Jón K. Jacobsen, faðir 17 ára drengs sem lést í eldsvoða á Stuðlum síðastliðinn laugardag, segist hafa barist árum saman við kerfið til að halda syni sínum á lífi. „Núna berst ég við kerfið til að halda minningu hans á lofti.“

Viðtal

„Hann sagðist ekki geta meir“

Viðtal

Grunaði að það ætti að reka hana

Vigdís Häsler var rekin úr starfi framkvæmdastjóra Bændasamtakanna eftir að nýr formaður tók þar við fyrr á árinu. Hún segir kosningavél Framsóknarflokksins hafa verið gangsetta til að koma honum að. Vigdís ræðir brottreksturinn og rasísk ummæli sem formaður Framsóknarflokksins hafði um hana. Orðin hafi átt að smætta og brjóta hana niður. Hún segist aldrei munu líta Sigurð Inga Jóhannsson sömu augum eftir það.

ViðtalMetoo

Ósmekklegt bréf frá eiganda sem áreitti hana

Sigríður Lárusdóttir er ein fjölmargra kvenna sem hefur orðið fyrir kynferðislegri áreitni á vinnustað. Eftir að hún kvartaði undan framkomu yfirmanns í garð starfsfólks var henni sagt upp og segir hún að sá sem hafði áreitt hana hafi skrifað henni ósmekklegt bréf með rökstuðningi fyrir uppsögninni.

Fréttir

Þórdís Kolbrún afskrifaði Gunnar Smára á opnum fundi