Bergþór Ólason, þing­maður Mið­flokks­ins, til­kynnir í aðsendri grein í Morg­un­blað­inu að hann hygg­ist sitja áfram á Alþingi. Bergþór fór í launa­laust leyfi frá þing­störfum í byrjun des­em­ber eftir að Klaust­urs­upp­tök­urnar voru gerðar opin­berar.

Í grein­inni segir Bergþór að hann hafi komið sjálfum sér illi­lega á óvart með orðum sínum sem tekin voru upp á hljóð­upp­töku á Klaustri bar. „Ég hef talað við áfeng­is­ráð­gjafa og leitað aðstoðar sál­fræð­ings og ég hef átt löng og hisp­urs­laus sam­töl við þá sem lengi hafa þekkt mig,“ skrifar Bergþór. „Ég er miður mín yfir mörgu sem ég sagði þetta kvöld og sér­stak­lega yfir því að orð mín hafi orðið til þess að særa fólk, sem ég hef aldrei viljað særa, en varð skilj­an­lega sárt þegar upp­taka af sam­tal­inu var spiluð fyrir alþjóð.“

Í grein­inni leggur Bergþór áherslu á að orð hans hafi ekki sært neinn fyrr en fjöl­miðlar tóku að skrifa fréttir og birta upp­tök­urnar. „Ég ber ábyrgð á eigin orðum og finnst virki­lega leið­in­legt að hafa látið þau verstu þeirra falla. Í okkar fámenna hópi á veit­inga­hús­inu voru þessi orð ósmekk­legt en mein­ing­ar­laust raus yfir glasi, sem engan særði. Það var ekki okkar ákvörðun að þau skyldu borin á borð fyrir alla þjóð­ina,“ skrifar hann.

Þá beinir Bergþór spjótum sínum að fjöl­miðlum og Báru Hall­dórs­dóttur, upp­ljóstr­ara í mál­inu. „Margt kom illi­lega við mig í þessu. Mér fannst vond þróun að legið væri á hleri þegar annað fólk talar saman á veit­inga­húsum. Mér fannst vont að fjöl­miðlar teldu sjálf­sagt að birta slíkt drykkju­raus opin­ber­lega og eig­in­lega enn verra hversu margir voru ánægðir með hvorttveggja. En verst af öllu fannst mér að heyra í sjálfum mér,“ skrifar Bergþór.

Segist hann hafa margt við upp­tök­una og við­brögð við henni að athuga. „Mér finnst líka mjög athygl­is­vert hversu hart hefur verið barist gegn því að við, sem vorum hleruð, fáum aðgang að gögnum sem eru til og geta lík­lega sýnt hvernig var í raun staðið að því að hlera sam­tal okkar. En ekk­ert af þessu finnst mér þó eins slæmt og sumt af því sem ég sjálfur hef sagt þetta kvöld. 

Upptakan var að vísu ólög­mæt, hún virð­ist klippt saman og margt í frétta­flutn­ingi af tali okkar og talsmáta hefur verið tekið úr sam­hengi, en í mínum huga er aðal­at­riðið að margt af því sem ég hef greini­lega sagt þetta kvöld er að mínu mati til skammar, ekki aðeins sleggju­dómar og fárán­legar hug­leið­ingar heldur einnig stundum með orð­bragði sem kemur mér mjög illi­lega á óvart að ég hafi notað,“ skrifar Bergþór.