Hannesarskýrslan gefi tilefni til að „taka upp þráðinn“ við Breta

Bjarni Bene­dikts­son, fjár­mála- og efna­hags­ráð­herra, úti­lokar ekki að ræða við erlend stjórn­völd um fram­göngu þeirra í banka­hrun­inu á grund­velli skýrslu Hannesar Hólm­steins Giss­ur­ar­sonar sem birt var í vik­unni. Í skýrsl­unni, sem Hannes vann fyrir Félags­vís­inda­stofnun að ósk Bjarna, er því haldið fram að gjörðir erlendra aðila hafi valdið þeirri keðju­verkun sem orsak­aði banka­hrunið.

Sig­mundur Davíð Gunn­laugs­son, for­maður Mið­flokks­ins, vakti máls á skýrsl­unni í óund­ir­búnum fyr­ir­spurnum á Alþingi í dag. „Nokkrir af vinstri kanti stjórn­mál­anna hafa að vísu sett út á að í skýrslu um erlenda áhrifa­þætti banka­hruns­ins sé of mikið fjalla um erlenda áhrifa­þætti banka­hruns­ins, of lítið um skoð­anir þeirra sjálfra á inn­an­land­s­póli­tík­inni,“ sagði Sig­mundur.

„Í leið­inni hafa menn hnýtt í aðal­höf­und skýrsl­unnar og per­sónu hans og jafnan sama fólk og heldur því fram að það sé algjör­lega ófor­svar­an­legt að gagn­rýna fræði­menn. En þá vænt­an­lega bara nógu vinstri­s­inn­aða fræði­menn.“

Sig­mundur spurði Bjarna hvernig hann ætl­aði að fylgja skýrsl­unni eftir. „Verða þessi mál tekin upp við full­trúa erlendra ríkja og alþjóða­stofn­ana og verður til að mynda farið fram á afsök­un­ar­beiðni frá breskum stjórn­völdum?“

Bjarni sagði að skýrslan væri mik­il­væg sam­an­tekt á erlendum áhrifa­þáttum banka­hruns­ins. Hann sagð­ist per­sónu­lega marg­sinnis hafa haft uppi athuga­semdir við breska ráða­menn vegna fram­göngu Breta á tíma hruns­ins.

„En ég ætla alls ekki að úti­loka að skýrslan gefi upp til­efni til að taka upp þráð­inn, sér­stak­lega í ein­hverjum til­vikum, án þess að ég sé til­bú­inn til að úttala mig um það hvaða mál það yrðu þá nákvæm­lega sem þar ættu í hlut.“