Þessi grein birtist upphaflega í Stundinni fyrir meira en 6 árum.

Kolrangar fullyrðingar rötuðu í fréttatíma: „Þetta leit sérkennilega út“

Nemandi við Háskólann á Akureyri skilaði lokaritgerð þar sem gengið var út frá því að tekjur af virðisaukaskatti væru aðeins örfáir milljarðar. „Best hefði verið ef mér hefði tekist að benda honum á að sækja til tollstjóra það sem þar er,“ segir leiðbeinandi nemandans.

30. júlí 2018 · 14:50

Jóhann Páll Jóhannsson

ritstjorn@heimildin.is

„Það verður örugglega farið yfir þetta hjá deildinni,“ segir Helgi Gestsson, lektor við Háskólann á Akureyri og leiðbeinandi Jóhanns Magnúsar Elíassonar, nýútskrifaðs viðskiptafræðings sem fram kom í fréttum Stöðvar 2 um helgina og hélt því ranglega fram, með vísan til eigin rannsókna, að virðisaukaskattur skilaði nær engum tekjum í ríkissjóð.

Í lokaritgerð Jóhanns er fullyrt að tekjur ríkisins af virðisaukaskatti hafi einungis numið tæpum 19 milljörðum árið 2012. Með uppflettingu í ríkisreikningi má hins vegar sjá að tekjur af virðisaukaskatti námu samtals 142,4 milljörðum árið 2012 og voru 27,1 prósent af heildartekjum ríkissjóðs. Í ritgerðinni er einvörðungu byggt á Excel-skjali frá ríkisskattstjóra sem sýnir innskatt og útskatt hjá ýmsum atvinnugreinum en ekki þann virðisaukaskatt sem almennir neytendur greiða vegna kaupa á vöru og þjónustu. Fékk ritgerðin sérstaka vigt í fréttatíma Stöðvar 2 þar sem rætt var við Jóhann og niðurstöður hans kynntar með myndrænum hætti.

Jóhann þakkar Helga Gestssyni leiðbeinanda sínum sérstaklega fyrir gott samstarf fremst í ritgerðinni. „Leiðbeinanda mínum Helga Kristínarsyni Gestssyni þakka ég alveg sérstaklega fyrir að hafa aðstoðað mig og leitt mig áfram við þetta verkefni og þegar ég fór aðeins af réttri leið leiðrétti hann stefnuna jafnóðum,“ skrifar Jóhann Magnús.

Stundin hafði samband við leiðbeinandann. „Í ritgerðinni koma fram fyrirvarar og í niðurstöðukaflanum segir að þarna sé notað gagnasafn frá ríkisskattstjóra um skattskylda veltu og undanþegna veltu. Það er út frá því sem ályktanirnar eru dregnar,“ segir Helgi Gestsson. „Því miður þá er ekki inn í þeim gögnum það sem innheimt er hjá tollstjóra, en allt annað er þarna. Ég reyndar hljóp inn í þetta á miðju tímabili og þá var hann búinn að vinna töluvert í þessari sundurliðun sem hann er með. Þá kemur í ljós að tölurnar eru dálítið skrítnar. Þess vegna eru settir þessir fyrirvarar, sú forsenda að niðurstöðurnar miðist við það gagnasafn sem hann notaði. Hann dregur svo ályktanir út frá þessu, en í viðtalinu alhæfir hann um virðisaukaskatt almennt.“

Helgi segist hafa haft samband við ríkisskattstjóra til að fá gögnin staðfest. „Því þetta leit sérkennilega út og þess vegna komu fyrirvararnir og út frá þeim forsendum vinnur hann verkefnið. Ekki skal ég þó sleppa því að viðurkenna að best hefði verið ef mér hefði tekist að benda honum á að sækja til tollstjóra það sem þar er.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Háskólamál

FréttirHáskólamál

Rektor Háskóla Íslands segir tilboð ráðherra hafa gert erfiða fjárhagsstöðu skólans verri

Jón Atli Benediktsson, rektor Háskóla Íslands, segir að tilboð háskólaráðherra til sjálfstætt starfandi háskóla vera umfangsmikla stefnubreytingu í fjármögnun háskólakerfisins. Ekkert samráð hafi verið haft við stjórnendur skólans en ljóst þykir að breytingin muni að óbreyttu hafa neikvæð áhrif á fjárhagsstöðu skólans sem sé nú þegar erfið. HÍ sé farinn að hugleiða að leggja niður námsleiðir.

FréttirHáskólamál

Björgólfur Thor á stórhýsi á svæði háskólans í gegnum Lúxemborg

Ekki liggur endanlega fyrir hvaða starfsemi verður í Grósku hugmyndahúsi annað en að tölvuleikjafyrirtækið CCP verður þar til húsa. Byggingin er í eigu félaga Björgólfs Thors Björgólfssonar og viðskiptafélaga hans sem eru í Lúxemborg. Vísindagarðar Háskóla Íslands eiga lóðina en ráða engu um hvað verður í húsinu.

FréttirHáskólamál

Prófessorar bera hvor annan þungum sökum

Sigurður Yngvi Kristinsson braut siðareglur þegar hann tók Sigrúnu Helgu Lund úr kjarnahópi blóðskimunarrannsóknar. Hún segir hann hafa reynt við sig og sýnt óviðeigandi hegðun. Hann sakar hana um slíkt hið sama en jafnframt líkamsárás.

Fréttir

Viðmiðum alþjóðastofnana ekki fylgt í samningi háskólans og Útlendingastofnunar um aldursgreiningar

Háskóli Íslands hyggst festa í sessi umdeildar líkamsrannsóknir á hælisleitendum sem standast ekki kröfur Evrópuráðsins, Barnaréttarnefndar SÞ og UNICEF um þverfaglegt mat á aldri og þroska. Tannlæknar munu fá 100 þúsund krónur fyrir hvern hælisleitanda sem þeir aldursgreina samkvæmt drögum að verksamningi sem Stundin hefur undir höndum.

Fréttir

Hannes dylgjar um tengsl Íslendings við kínversk stjórnvöld

„Ég geri ráð fyrir því að hann álykti að ég sé tengdur einræðisstjórn Kína af því að það stendur að ég vinni hjá einhverju sem heitir „WuXi“,“ segir Kristleifur Daðason.

FréttirHáskólamál

Hannes ekki aðalhöfundur heldur eini höfundurinn

„Ég er ekki höfundur þessarar skýrslu,“ skrifar Eiríkur Bergmann.

Mest lesið

PistillJólin

Sif Sigmarsdóttir

„Bullshit“ jól

Síðustu ár glitti í von um að ná mætti böndum á öfgum jólanna. En ekki leið á löngu uns svigrúmið sem hafði myndast fylltist af nýjum jólahefðum.

ÚttektJólin

Á ekki von á 50 milljónum eftir jólin

Nokkur af þekktustu nöfnunum í íslensku tónlistarsenunni gefa nú út svokölluð textaverk, prentuð myndverk með textabrotum úr lögum sínum. Helgi Björnsson segir að margir hafi komið að máli við sig um að framleiða svona verk eftir að svipuð verk frá Bubba Morthens fóru að seljast í bílförmum. Rapparinn Emmsjé Gauti segir textaverkin þægilegri söluvöru til aðdáenda en einhverjar hettupeysur sem fylli hálfa íbúðina.

AðsentUppgjör ársins 2024

Egill Helgason

Nútíminn þolir illa núansa eða flækjur

Þessi pistill Egils Helgasonar einkennist ekki af bjartsýni. Hann skrifar um áhyggjur sínar af vélviti, stríðsbrölti og þróun stjórnmála. „Því miður finnst manni eins og spurn eftir rugli aukist stöðugt.“

ViðtalMóðursýkiskastið

Efaðist í átta ár um að hún gæti eignast börn

Elísa Ósk Línadóttir var 19 ára þegar kvensjúkdómalæknir greindi hana með PCOS og sagði henni að drífa í barneignum. Engar ráðleggingar um hennar eigin heilsu fylgdu og Elísa fór af stað í frjósemismeðferðir með þáverandi kærastanum sínum. „Ég var ekkert tilbúin í að verða mamma,“ segir Elísa sem efaðist í kjölfarið um að hún myndi geta eignast börn.

Fréttir

Svipta hulunni af nýjum ráðherrum

Hér eru nöfn nýrra ráðherra nýrrar ríkisstjórnar.

Pistill

Auður Jónsdóttir

Of margar bækur fá enga athygli

Vistkerfi bókaútgáfu hefur breyst og segja má að það sé flóknara að vera rithöfundur en áður.

Mest lesið

Mest lesið í vikunni

Viðskipti

Ráðuneyti keypti danska hönnunarsófa fyrir 5,9 milljónir

Háskóla-, nýsköpunar- og iðnaðarráðuneytið hefur undanfarna mánuði keypt húsgögn úr hönnunarverslun, sem þar til nýlega hét Norr11, að andvirði rúmlega tíu milljóna króna. Um er að ræða samsettan sófa, kaffiborð, borðstofuborð og fleiri húsgögn að andvirði 10,2 milljóna króna. Þar af er 1,3 milljóna króna sófi inni á skrifstofu ráðherra.

VettvangurHjólhýsabyggðin

„Þetta er eins og að búa í einbýlishúsi“

Bergþóra Pálsdóttir, Bebba, hefur unun af því að fá gesti til sín í hjólhýsið og finnst þetta svolítið eins og að búa í einbýlishúsi. Barnabörnin koma líka í heimsókn en þau geta ekki farið út að leika sér í hjólhýsabyggðinni í Sævarhöfðanum: „Þau skilja ekki af hverju við vorum rekin úr Laugardalnum og sett á þennan ógeðslega stað.“

Flækjusagan

Ný rannsókn byltir uppruna Færeyinga og Íslendinga: Ekki eins skyldir og talið hefur verið

DNA-rannsóknir á jurta- og dýraleifum hafa þegar breytt myndinni af uppruna byggðar í Færeyjum. Þær virðast hafa byggst fyrst langt á undan Íslandi. En nú hefur rannsókn á uppruna Færeyinga líka breytt mynd okkar af uppruna færeysku þjóðarinnar og skyldleikanum við Íslendinga

Fréttir

Rak 90 prósent starfsfólks fyrir að skrópa á morgunfund

Baldvin Oddsson, ungur íslenskur athafnamaður, rataði nýverið í fréttir í Bandaríkjunum fyrir að reka 99 starfsmenn úr sprotafyrirtæki sem hann stofnaði og rekur. Framkvæmdastjórinn mun hafa verið ósáttur við slaka mætingu á morgunfund, þar sem aðeins ellefu af 110 starfsmönnum melduðu sig, og tilkynnti þeim sem voru fjarverandi að þau væru rekin.

VettvangurHjólhýsabyggðin

„Ég kalla þetta svítuna“

Vilberg Guðmundsson hefur búið í húsbíl í níu ár. Hann og þáverandi konan hans ákváðu þá að selja íbúðina sína og keyptu húsbíl á Flórída. Þau skildu síðar og hann er að fóta sig á nýjan hátt. Vilberg er einn þeirra sem býr í hjólhýsabyggðinni við Sævarhöfða. „Ég skil ekki af hverju við máttum ekki vera áfram í Laugardalnum,“ segir hann.

Fréttir

Fjármálaóreiða FH fellur á hafnfirska útsvarsgreiðendur

Hátt í sjö hundruð milljón króna reikningur FH verður líklega sendur til skattgreiðenda eftir að FH fór flatt á byggingu Knatthússins Skessunnar. Formaður félagsins fær 73 milljónir í sinn hlut fyrir uppbyggingu hússins, sem sligar nú félagið. Svört skýrsla Deloitte dregur fram fjármálaóreiðu.

Mest lesið í mánuðinum

VettvangurHjólhýsabyggðin

Við erum ekkert „trailer trash“

Lilja Karen varð ólétt eftir glasafrjóvgun þegar hún bjó á tjaldsvæðinu í Laugardalnum og á dögunum fagnaði dóttir hennar árs afmæli. Afmælisveislan var haldin í hjólhýsi litlu fjölskyldunnar á Sævarhöfða, þar sem þær mæðgur búa ásamt hinni mömmunni, Friðmeyju Helgu. „Okkar tilfinning er að það hafi verið leitað að ljótasta staðnum fyrir okkur,“ segir Friðmey, og á þar við svæðið sem Reykjavíkurborg fann fyrir hjólhýsabyggðina.

Viðskipti

Ráðuneyti keypti danska hönnunarsófa fyrir 5,9 milljónir

Fréttir

Tilnefnd sem framúrskarandi ungur Íslendingur en verður send úr landi

Til stendur að hin sýrlenska Rima Charaf Eddine Nasr verði send úr landi. Hún var á dögunum ein af tíu sem tilnefnd voru til verðlaunanna Framúrskarandi ungur Íslendingur í ár. Tilnefninguna fékk hún fyrir sjálfboðaliðastörf sem hún hefur unnið með börnum. Hér á hún foreldra og systkini en einungis á að vísa Rimu og systur hennar úr landi.

Vísbending

Gylfi Magnússon

Verstu mistök Íslandssögunnar

Gylfi Magnússon, prófessor við viðskiptafræðideild HÍ, skrifar um verstu mistök Íslandssögunnar í nýjasta tölublaði Vísbendingar. „Íslendingar hafa auðvitað gert alls konar mistök sem þjóð og þurft að súpa seyðið af því.“ En hver eru þau verstu?

Vindorkumál

Ný ógn við haförninn rís á Íslandi

Hafernir falla blóðugir og vængjalausir til jarðar í vindorkuverum Noregs sem mörg hver voru reist í og við búsvæði þeirra og helstu flugleiðir. Hættan var þekkt áður en verin risu og nú súpa Norðmenn seyðið af því. Sagan gæti endurtekið sig á Íslandi því mörg þeirra fjörutíu vindorkuvera sem áformað er að reisa hér yrðu á slóðum hafarna. Þessara stórvöxnu ránfugla sem ómæld vinna hefur farið í að vernda í heila öld.

ViðtalMóðursýkiskastið

Innsæi Karenar öskraði: „Það er eitthvað að“

Þegar Karen Ösp Friðriksdóttir lá sárkvalin á kvennadeild Landspítala árið 2019 var hún sökuð um verkjalyfjafíkn. Hún hafði þá verið verkjuð síðan hún var níu ára. Geðlæknir leiddi að því líkum að verkir hennar tengdust gervióléttu. Tveimur árum síðar fékk hún loks staðfestingu á því að hún væri með líkamlegan sjúkdóm. Hún vonar að heilbrigðiskerfið og samfélagið læri af hennar sögu.